ەلورداداعى ءال-فارابي اتىنداعى وقۋشىلار سارايىندا ۇيىرمەلەر مەن سەكتسيالاردىڭ 125 ءتۇرى بويىنشا 11 باعىتتا بالالاردى قابىلداۋ باستالدى. ءبىلىم وشاعىندا بيۋدجەتتىك جانە اقىلى نەگىزدەگى توپتار بار.
بيۋدجەتتىك نەگىزدەگى توپتارعا جەتىم بالالار, از قامتىلعان وتباسىلاردىڭ بالالارى, مۇمكىندىگى شەكتەۋلى بالالار, كوپبالالى وتباسىلاردىڭ بالالارى جانە قازاقستان رەسپۋبليكاسىنىڭ زاڭدارىمەن ايقىندالاتىن وزگە دە ساناتتاعى ازاماتتار قابىلدانادى. اقىلى نەگىزدە قابىلداۋ 1-15 قىركۇيەك ارالىعىندا وتەدى.
«ۇيىرمەلەرگە قابىلداۋ ءۇشىن اتا-انالار MINDAL پورتالى ارقىلى ءوتىنىش بەرەدى. بالالاردى قابىلداۋ وسى رەسۋرس ارقىلى جۇرگىزىلەدى. كەزەككە قويۋعا ءوتىنىش تەك ەلەكتروندى تۇردە بەرىلەدى» دەپ حابارلايدى نۇر-سۇلتان قالاسىنىڭ ءبىلىم باسقارماسى.
ءوتىنىش بەرۋشى ۇيالى تەلەفون ءنومىرىن, زاڭدى وكىلدىڭ جسن-ءىن جانە بالانىڭ جسن-ءىن مىندەتتى تۇردە كورسەتۋى كەرەك. ءوتىنىش بەرۋ بارىسىندا ءبىر رەتتىك پارولدەر پايدالانىلادى. كەزەككە قويىلعاننان كەيىن بۇل مالىمەتتەر ءوتىنىش بەرۋشىنىڭ جەكە كابينەتىن قۇرۋ جانە ىسكە قوسۋ, ەلەكتروندى حابارلامالاردى تاراتۋ ءۇشىن پايدالانىلادى.
بالانىڭ ءتۇرلى ۇيىرمەلەرگە جانە سپورت سەكتسيالارىنا بىرنەشە ءوتىنىشى بولۋى مۇمكىن. ءوتىنىش بەرگەن كەزدە بالانىڭ تۇراتىن جەرى ماڭىزدى ەمەس. بالانىڭ تىركەلگەنى تۋرالى سمس-حابارلامانى العاننان كەيىن راستايتىن قۇجاتتاردى (بالانىڭ جسن-ءى, اتا-اناسىنىڭ جسن-ءى, مەديتسينالىق انىقتاما, جەڭىلدىكتى راستايتىن قۇجاتتار) تولتىرادى جانە قوسا تىركەيدى.
بۇدان ءارى MINDAL پورتالى بالالاردى توپتارعا بولەدى. اتا-انالاردىڭ پورتال ارقىلى ۇيىرمەلەر مەن سەكتسيالارداعى بوس ورىنداردى ۇنەمى قاداعالاۋ مۇمكىندىگى بار.
