ۇلى ابايدىڭ 175 جىلدىعى اياسىندا قر مادەنيەت جانە سپورت مينيسترلىگىنىڭ قولداۋىمەن سانكت-پەتەربۋرگ قالاسىنىڭ رەسەي مەملەكەتتىك كىتاپحاناسىندا «اباي» اقپاراتتىق-مادەني ورتالىعى اشىلدى.
ءىس-شارا بارىسىندا كورشى ەلدە تۇراتىن قانداستارىمىز قازاق جانە ورىس تىلدەرىندە اباي قۇنانبايۇلىنىڭ شىعارمالارىن وقىپ, «دارىن» مەملەكەتتىك جاستار سىيلىعىنىڭ لاۋرەاتى بەكزات سماعۇلوۆ اباي اندەرىن ورىندادى.
«وسى ورتالىقتى اشۋ اياسىندا اباي شىعارمالارىنان كىتاپ كورمەلەرىن ۇيىمداستىردىق. ونىڭ ىشىندە ۇلى اقىننىڭ بىرنەشە تىلگە اۋدارىلعان شىعارمالارى دا بار. اتاپ ايتاتىن بولساق, جاقىندا عانا قازاقستان پرەزيدەنتى قاسىم-جومارت توقاەۆتىڭ باستاماسىمەن جارىق كورگەن «اباي» اتتى كىتاپتاردى قويدىق. بۇل كىتاپتاردا اقىننىڭ شىعارمالارى دۇنيەجۇزىنىڭ 10 تىلىنە اۋدارىلعان بولاتىن. اۋدارما جيناقتارعا اقىننىڭ 145 ولەڭى, 3 پوەماسى مەن 45 قارا ءسوزى كىردى. ودان بولەك, ابايتانۋشىلار مەن اقىننىڭ شىعارمالارى ەنگەن كىتاپتاردى كورمەگە قويىپ وتىرمىز» دەدى قر ۇلتتىق اكادەميالىق كىتاپحاناسىنىڭ ديرەكتورى ءۇمىتحان مۇڭالباەۆا.
ورتالىققا ەل پرەزيدەنتى قاسىم-جومارت توقاەۆتىڭ «ساباقتاستىق. ادىلدىك. ورلەۋ» ەڭبەكتەرىنىڭ 1,2,3,4 تومدارى, «سۆەت ي تەن», «پرەودولەنيە», «ون دەلاەت يستوريۋ» اتتى كىتاپتارى سىيعا تارتىلدى.
جالپى بيىل شەتەلدەردە بىرنەشە «اباي» ورتالىعى اشىلدى. اتاپ ايتقاندا, چەحيادا, گەرمانيادا جۇمىسىن باستادى. وسىنىڭ بارىنە ۇلتتىق اكادەميالىق كىتاپحانا مۇرىندىق بولدى. جالپى اتالمىش كىتاپ ورداسى بيىل 1 000-نان اسا ءىس-شارا وتكىزدى.
«بۇگىندە ۇلتتىق اكادەميالىق كىتاپحاناسىندا كىتاپتار, سيرەك كىتاپتار, گازەت-جۋرنالدار سياقتى جالپى 1,5 ميلليون ماتەريالدار قورى بار. ودان بولەك, 2007 جىلى اقپاراتتىق تەڭسىزدىكتى تومەندەتۋ باعدارلاماسى بويىنشا ۇلتتىق اكادەميالىق كىتاپحانا بازاسى اياسىندا ۇلتتىق ەلەكتروندى كىتاپحانا بازاسى جاسالدى. بۇگىندە وسى ۇلتتىق ەلەكتروندىق بازا بويىنشا 60 مىڭنان اسا ماتىندەگى كونتەنتىمىز بار. ونىڭ ىشىندە تەك قانا ادەبي كىتاپتار ەمەس, عىلىمي جانە سيرەك كەزدەسەتىن كىتاپتار, گازەت-جۋرنالدار, ديسسەرتاتسيالار, اۋديو كىتاپتار, بەينەماتەريالدار وتە كوپ. ايتا كەتسەك, وسى ۋاقىتقا دەيىن 108 باسقا ەلدىڭ تۇرعىندارى سول ماتەريالدارىمىزبەن تانىسقان» دەيدى كىتاپحانا ديرەكتورىنىڭ اقپاراتتىق رەسۋرستار جانە جاستار ساياساتى جونىندەگى ورىنباسارى نۇرجان جولدىبالينوۆ.
