ەلوردانىڭ قازاقستان رەسپۋبليكاسىنىڭ مادەنيەت جانە اقپارات مينيسترلىگى ارحيۆ, قۇجاتتاما جانە كىتاپ ءىسى كوميتەتىنىڭ قولجازبالار جانە سيرەك كىتاپتار ۇلتتىق ورتالىعىندا «ۇلى دالا تاريحىنىڭ جازبا مۇرالارى» اتتى كورمە ءوتتى.
قولجازبالار جانە سيرەك كىتاپتار ۇلتتىق ورتالىعى 2017 جىلى اشىلدى. ۇلتتىق ورتالىق – قازاقستانداعى جانە شەت ەلىمىزدىڭ تاريحىنا قاتىستى مۇرالاردى ءبىر ورتالىققا جيناپ, زەرتتەۋ جانە ونى بولاشاق ۇرپاققا ساقتاۋ ماقساتىندا اشىلعان. ورتالىقتىڭ جالپى قورى 9000 بولسا, سيرەك قورىندا 2000-عا جۋىق جادىگەر بار. جالپى ۇلتتىق قوردا XIX-XX عاسىرلاردا جارىق كورگەن اراب, پارسى, تۇركى, شاعاتاي, تاتار تىلدەرىندەگى 300-دەن استام مۇرا ساقتاۋلى تۇر.
كورمەنىڭ باستى ماقساتى – جۇرگىزىلگەن جۇمىستار قورىتىندىسىن شىعارۋ جانە اكەلىنگەن جازبا مۇرالار تۋرالى اقپارات بەرۋ, تاريحىمىزداعى قۇندىلىقتار ساندىعىن اقتارىپ, ونى كەلەر ۇرپاققا مۇرا رەتىندە قالدىرۋ.
ءىس-شارادا شەتەلدىك ءىسساپار ۇلىبريتانيا, لوندون, وكسفورد جانە مانچەستەر قالالارىندا وتكەن ىزدەۋ-زەرتتەۋ جۇمىستارى بويىنشا ناتيجەلەر جۇرگىزىلدى. كورمەنىڭ اشىلۋ سالتاناتىندا قولجازبالار جانە سيرەك كىتاپتار ۇلتتىق ورتالىعىنىڭ ديرەكتورى جاندوس بولدىقوۆ كەلگەن قوناقتارعا العىسىن ءبىلدىرىپ, «ۇلىبريتانيا ءىسساپارىنىڭ ناتيجەلەرى» تاقىرىبىندا ءسوز سويلەدى.
ورتالىققا شەتەلدىك جانە وڭىرلەردە ارحەوگرافيالىق جۇمىستار ىستەۋگە ۇلكەن مۇمكىندىك بەرىلگەن. سونىڭ ارقاسىندا ۇلىبريتانيادا ون كۇندەي بولىپ, ءۇش قالادا زەرتتەۋ جۇمىستارى جۇرگىزىلگەن.
ءىس-شارانىڭ سوڭىندا «ULY DALA MURASY» عىلىمي-تانىمدىق جۋرنالىنىڭ جاڭا نۇسقاسى جانە شەتەلدەردە انىقتالىپ, كونە دەرەكتەر قامتىلعان «شەتەلدىك قورلارداعى قۇندى جازبا مۇرالار» اتتى كاتالوگ-البومىنىڭ تۇساۋكەسەرى ءوتتى.
ادەليا ساپاربەك,
ل.گۋميلەۆ اتىنداعى
ەۋرازيا ۇلتتىق ۋنيۆەرسيتەتىنىڭ ستۋدەنتى
