ەلەكتر مەن جىلۋدى ءتيىمدى پايدالانۋ, اسىرەسە جىلىتۋ ماۋسىمىندا ۇلكەن ماڭىزعا يە. ەنەرگيا ۇنەمدەۋ شارالارى مەن ەنەرگيا ساقتاۋشى تەحنولوگيالاردى ەندىرۋدىڭ بولاشاعى قانداي؟
«استاناەنەرگوسەرۆيس» اق باسقارما توراعاسى ەركەعالي ەسەنجولوۆتىڭ ايتۋىنشا, ەنەرگوحولدينگ كاسىپورىندار ءوز قىزمەتىن جۇزەگە اسىرۋدا ەنەرگيانى ۇنەمدەۋ تەحنولوگيالارىن ءتيىمدى قولدانادى.
اكىمشىلىك جانە وندىرىستىك ورىنجايلاردا جارىقديودتى شامداردى قولدانۋ 50-80 پايىز ەلەكتر ەنەرگياسىن تۇتىنۋدى تومەندەتۋگە مۇمكىندىك بەرەدى. جىلۋ جەلىلەرى قۇبىرلارىن قاپتاۋدىڭ ءداستۇرلى مينەرالدى-ماقتالى ءتۇرىن پەنوپوليۋرەتانتتى وقشاۋلاماعا اۋىستىرعاندا جىلۋ ەنەرگياسىن جەو-نان تۇتىنۋشىعا تاسىمالداۋ كەزىندە شىعىندى 20-30 پايىزعا تومەندەتۋگە بولادى. ايتا كەتەيىك, قۋات ۇنەمدەۋشى جارىقتاندىرۋعا كوشۋ وتە تيىمدىلىگىن كورسەتەدى. ەنەرگيانى ۇنەمدەۋ بويىنشا باستى نارسە ەسەپتەۋ قۇرالدارىن ورناتۋ بولىپ تابىلادى. جىلۋ, ەلەكتر ەنەرگياسى, سۋ بويىنشا ەسەپتەۋ قۇرالدارىن ورناتۋ كەرەك. ارقاشان مىنا قاعيدانى ەستە ساقتاۋ قاجەت: «دۇرىس ولشەمەي, ۇنەمدەي المايمىز».
«ەنەرگيانى ۇنەمدەۋ جانە ەنەرگيا تيىمدىلىگىن جوعارىلاتۋ تۋرالى» قولدانىستاعى زاڭنامادا ەنەرگيانى ۇنەمدەۋ ماسەلەلەرىمەن جەكە كاسىپكەرلەر جانە زاڭدى تۇلعالاردىڭ عانا اينالىسۋىن مىندەتتەيدى. زاڭ تالاپتارىن ساقتاماۋ اكىمشىلىك قۇقىق بۇزۋشىلىق بولىپ تابىلادى. ءتىپتى, قۇقىقتىق بۇزۋشىلىق تۇرىنە بايلانىستى 10-نان 400 اەك دەيىنگى مولشەردە ايىپپۇل تولەنەدى.
ايگۇل ۋايسوۆا
