تاۋەلسىزدىكتىڭ 25 جىلدىعىنا وراي استانا قالاسىنىڭ №1 قالالىق اۋرۋحاناسىندا سپورتتىڭ 10 تۇرىنەن سپارتاكيادا ءوتتى. اتالعان جارىستا جۇلدەلى ورىن العان ازاماتتاردى اۋرۋحانانىڭ باس دارىگەرى مارات ءابدۋوۆ پەن وليمپيادا چەمپيونى دانيار ەلەۋسىنوۆ ماراپاتتادى.
جىل سايىن قالاداعى مەديتسينا قىزمەتكەرلەرىنىڭ اراسىندا سپارتاكيادا وتەدى. مارات ءابدۋوۆتىڭ ايتۋىنشا, دارىگەرلەر حالىقتىڭ عانا ەمەس, سونىمەن قاتار ءوزىنىڭ دەنساۋلىعىن دا جاقسىلاپ كۇتە ءبىلۋى كەرەك. ال دەنساۋلىقتى جاقسىلاپ كۇتۋدىڭ بىردەن-ءبىر جولى دەنە جاتتىعۋلارىمەن اينالىسۋ بولىپ سانالادى.
– بيىلعى سپارتاكيادانىڭ ەرەكشەلىگى تاۋەلسىزدىكتىڭ 25 جىلدىعىمەن ورايلاسىپ وتكىزىلدى. قازاق ەلى وسى شيرەك عاسىرلىق تاريحىندا اياعىنان نىق تۇرىپ, الدىڭعى قاتارلى الەمنىڭ وزىق ەلدەرىنىڭ قاتارىنا قوسىلدى. ەلىمىز ەكونوميكادا عانا ەمەس, سونداي-اق دەنساۋلىق ساقتاۋ سالاسىندا دا ءىرى جەتىستىكتەرگە جەتتى. دەنساۋلىق دەمەكشى, بيىلعى ريو وليمپياداسى كەزىندە قازاقستاندىق سپورتشىلار جوعارى ناتيجەگە قول جەتكىزدى. سولاردىڭ ءبىرى – بوكستان وليمپيادا چەمپيونى بولعان دانيار ەلەۋسىنوۆ ورتامىزدا وتىر. ول سىزدەردى قۇتتىقتاۋعا ارنايى كەلدى, – دەدى مارات ءابدۋوۆ.
ءوز سوزىندە دانيار ەلەۋسىنوۆ مەديتسينا قىزمەتكەرلەرىن تاۋەلسىزدىكتىڭ 25 جىلدىعىمەن قۇتتىقتاپ, ولاردىڭ وتباسىنا بەرەكە, بىرلىك تىلەدى. سونداي-اق, وليمپيادا چەمپيونى سپارتاكيادادا توپ جارعان مەديتسينا قىزمەتكەرلەرىن قۇتتىقتادى.
سەرىك قۇدايبەرگەنۇلى
