«ۇستاز ىزدەنگىش بولۋى, ويلاي ءبىلۋى, قانداي ءىستى بولسىن, بار ىنتاسىمەن اتقارا ءبىلۋى كەرەك» دەيدى ورىس اقىنى ۆ.ماياكوۆسكي. وسى ورايدا بۇكىل سانالى عۇمىرىن ۇستازدىققا ارناعان نۇر-سۇلتان قالاسىنىڭ «قۇرمەتتى پەداگوگى» توسبەلگىسىنىڭ يەگەرى گالينا شاياحمەتوۆا تۋرالى وي تولعاعىمىز كەلەدى.
قازىرگى تاڭدا ۇستاز شاكىرتىنە عىلىم نەگىزدەرىنەن مالىمەت بەرىپ قانا قويماي, ونى دۇنيەجۇزىلىك ءبىلىم, اقپارات, ەكونوميكا كەڭىستىگىنە شىعۋعا, ياعني قاتاڭ باسەكە جاعدايىندا ءومىر سۇرۋگە تاربيەلەۋى كەرەك. ۇستاز – ءپانىن, بارلىق شاكىرتىن, مەكتەبىن شەكسىز سۇيەتىن ادام. پەداگوگ ماماندىعى – ماماندىقتاردىڭ ىشىندەگى جان-جاقتى بىلىمدىلىكتى, ۇلتجاندىلىقتى, يكەمدىلىكتى, شەبەرلىكتى, ەرەكشە شاكىرتجاندىلىقتى, مەيىرىمدىلىكتى قاجەت ەتەتىن سالا. ءوز ىسىنە دەگەن قىزىعۋشىلىق پەن سۇيىسپەنشىلىك قانا ونى نەبىر قيىن ارەكەتتەرگە جەتەلەيدى, ىسكە باتىل كىرىسۋگە سەپتىگىن تيگىزەدى.
گالينا ميچيسلاۆوۆنا – «بالالار مەن جاسوسپىرىمدەردىڭ تۋريزم جانە ولكەتانۋ ورتالىعىندا» ءۇيىرمە جەتەكشىسى. ۇيىرمە «شاعىن تۋريزم» دەپ اتالادى, وعان 5-12 جاس ارالىعىنداعى بالالار قاتىسادى. ۇيىرمە بالالارعا سپورتقا بەيىم بولۋدى, يكەمدى بولۋدى, تابيعاتپەن دوس بولۋدى ۇيرەتەدى. ءۇزىلىس كەزىندە بالالار گيتارامەن ءان ايتۋدى جاقسى كورەدى. جاس ۇرپاقتى ۇلتتىق جانە جالپىادامزاتتىق قۇندىلىقتار نەگىزىندە تاربيەلەۋدى نەگىزگە العان ۇيىرمە جەتەكشىسى گالينا ميچيسلاۆوۆنا ۇنەمى ىزدەنىس ۇستىندە جۇرەدى.
ۇستاز گالينا شاياحمەتوۆا – «تەك قانا العا!» دەگەن ومىرلىك ۇستانىممەن تىنىمسىز ەڭبەك ەتەتىن جان. ۇستازدىڭ وسى ومىرلىك ۇستانىمى ورتالىقتىڭ باعىتىمەن تىعىز بايلانىستى. بالانى ەڭبەككە باۋلۋمەن قاتار, ولارعا جايلىلىق, مەيىرىمدىلىك پەن قۋانىش اتموسفەراسىن قۇرۋ, جەكە-دارا قابىلەتتەرىن اشۋ, ءوز بەتىنشە ويلانۋعا جانە وزىندىك پىكىرىن اشىق ايتۋعا ۇيرەتۋ, قازىرگى ءومىر جاعدايىندا ءوزىن-ءوزى جەتىلدىرۋمەن قاتار, بالالار ءتۋريزمىن دامىتۋ سياقتى ورتالىق باعىتىن ءوز ۇستانىمىمەن ۇشتاستىرعان گ.شاياحمەتوۆا ى.التىنسارين اتىنداعى «پەداگوگيكالىق كىزمەتتەگى تابىستارى ءۇشىن» مەدالىمەن ماراپاتتالعان. ول – رەسەيدە وتكەن «التىن كومپاس» حالىقارالىق بايقاۋىنىڭ ءۇش دۇركىن جەڭىمپازى.
گالينا ۇستاز ءومىرىنىڭ 40 جىلىن جاس ۇرپاققا ءبىلىم بەرۋمەن قاتار, «بالالار مەن جاسوسپىرىمدەردىڭ تۋريزم جانە ولكەتانۋ ورتالىعى» اشىلعاننان باستاپ وسى كۇنگە دەيىن ديرەكتوردىڭ وقۋ-تاربيە ءىسى جونىندەگى ورىنباسارى قىزمەتىن اتقارىپ كەلەدى. 2 ۇل, 3 نەمەرەسى بار ۇلكەن وتباسىنىڭ ۇيىتقىسى گالينا ميچيسلاۆوۆنانىڭ دەنىنە ساۋلىق, ەڭبەك جولىنا تولاعاي تابىس, قۋانىشتى كۇندەر تىلەيمىز. «ۇستازدىق ەتكەن جالىقپاس, ۇيرەتۋدەن بالاعا» دەمەكشى, شاكىرت تاربيەلەۋدە قاجىرلى ەڭبەكتەرىنىڭ جەمىسى مەن جەڭىسىن كورۋىنە شىن جۇرەكتەن تىلەكتەسپىز!
مەلس ابەنوۆ,
نۇر-سۇلتان قالاسى اكىمدىگىنىڭ
بالالار مەن جاسوسپىرىمدەردىڭ تۋريزم
جانە ولكەتانۋ ورتالىعىنىڭ ديرەكتورى
