«Astana Bike» اۆتوماتتاندىرىلعان ۆەلوپروكات جۇيەسىن ىسكە قوسۋعا دايىندىق جۇمىستارى باستالدى. قازىرگى كەزدە قالا بويىنشا ستانتسيالاردى تازالاۋ, ۆەلوجابدىقتاردى دايارلاۋ, دياگنوستيكالاۋ, ۆەلوسيپەدتەردى جوندەۋ جانە قۇراستىرۋ, جۇيەنىڭ باعدارلامالىق قامسىزداندىرىلۋىن تەكسەرۋ بويىنشا شارالار جۇرگىزىلىپ جاتىر.
بيىلعى ماۋسىمدا شاھار تۇرعىندارى مەن قوناقتارىنا جالپى ۇزىندىعى 85 شاقىرىمدى قۇرايتىن 45 كوشەدە 1000 ۆەلوسيپەدتەن تۇراتىن 150 بەكەت قىزمەت كورسەتەدى. پايدالانۋشىلار قاجەتتى اقپاراتتى, سونىڭ ىشىندە, جاقىندا اشىلاتىن ستانتسيالار تۋرالى مالىمەتتى كومپانيانىڭ ارنايى سايتىنان بىلە الادى.
اۋا رايىنا بايلانىستى بىلتىر ۆەلوسيپەد تەبۋ ماۋسىمى 15 ساۋىردە باستالعان ەدى. بيىل دا ونىڭ اشىلۋى اۋا رايىنىڭ قولايلىلىعىنا بايلانىستى.
ەسكە سالايىق, «Astana Bike» الەۋمەتىك-يننوۆاتسيالىق جوباسى 2014 جىلعى 7 شىلدەدە ىسكە قوسىلعان.
astana-akshamy.kz
