مەملەكەتتىك حاتشى ەرلان قارين «حابار 24» تەلەارناسىنا بەرگەن سۇحباتىندا بىرلىگىمىزدىڭ ارقاسىندا ەلدەگى ءتارتىپتى قالپىنا كەلتىرىپ قانا قويماي, مەملەكەتتىك تۇتاستىعىمىزدى قورعاپ قالعانىمىزدى ايتتى. ول قازاقستان قالالارىندا بولعان وقيعالار تۋرالى ءوزىنىڭ اشىق وي-پىكىرىن ءبىلدىردى.
«4-8 قاڭتار ارالىعىندا ماڭعىستاۋدا بولىپ, جاعدايدى تۇراقتاندىرۋ بويىنشا وڭىرلىك شتابتىڭ جۇمىستارىنا قاتىستىم. وزدەرىڭىزگە بەلگىلى, بۇل ايماقتا العاشقى كۇندەرى نارازىلىق اكتسيالارى باستالدى, ولار اۋقىمدى جانە بەيبىت باستالعان. ميتينگتەر جاڭاوزەن, اقتاۋ جانە باسقا دا ەلدى مەكەندەردە بولدى. پرەزيدەنتتىڭ تاپسىرماسىمەن ۇكىمەتتىك كوميسسيا قۇرىلدى. ونىڭ مىندەتى وسى جاعدايدى رەتتەۋ بولدى جانە كوميسسيا اقتاۋعا بارىپ, قوعام بەلسەندىلەرىمەن, نارازىلىق اكتسيالارىنا شىققاندارمەن كەزدەستى جانە وسى مالىمەتتەر نەگىزىندە كەلىسسوزدەر, كونسۋلتاتسيالار, كەزدەسۋلەر ۇسىنىلدى, ولار پرەزيدەنتتىڭ ۇندەۋىندە ايتىلدى. گاز باعاسىنا قاتىستى وڭ شەشىمدەر قابىلداندى, بىراق ماڭعىستاۋداعى شتابتىڭ جۇمىسى توقتاعان جوق, ءبىزدىڭ مىندەتىمىز وسى وڭىردە جاعدايدىڭ ودان ءارى ۋشىعۋعا جول بەرمەۋ بولدى» دەدى ەرلان قارين.
ول قازاقستاننىڭ قالالارىندا لاڭكەستەردىڭ ءاربىر ارەكەتى مۇقيات جوسپارلانعانىن ايتتى. ە.قارين جاعدايدى تۇراقتاندىرۋ جۇمىستارى اياقتالعان كەزدە بارلىق سەبەپ پەن جاعدايدى تەرگەۋ جۇمىستارى جۇرگىزىلەتىنىنە سەندىردى.
«ارينە, وقيعالاردىڭ قالاي وربىگەنىن, قالاي جوسپارلانعانىن تولىق ايتىپ, حابارلاۋعا بولادى. بىراق ءبارى قالاي تەز وربىگەنىنە بايلانىستى, مۇنىڭ ءبارى قانشالىق مۇقيات ۇيىمداستىرىلعاندىعى جانە وسى توپتاردىڭ بارلىعى قالاي ارەكەت ەتكەنى بويىنشا, ارينە, ءاربىر وقيعا قانداي دا ءبىر ۇلكەن جوسپاردىڭ ءبىر بولىگى بولدى دەپ ايتۋعا بولادى. سەبەبى ءارتۇرلى ايماقتاعى, ءتىپتى ءبىر وڭىردەگى ءارتۇرلى بىتىراڭقى توپتاردىڭ ءىس-ارەكەتى مەملەكەتتىك مەكەمەلەردى, قۇقىق قورعاۋ ورگاندارىنىڭ عيماراتتارىن, قارۋ-جاراق الۋ جونىندەگى اكتسيالاردى, بايلانىس قۇرالدارىنا باعىتتالعان سوققىلاردى, جولداردى, ينفراقۇرىلىمدىق نىسانداردى باسىپ الۋ جونىندەگى ۇقساس مىندەتتەردى ءبىر الگوريتمگە اينالدىرۋ ءۇشىن وسىنداي مۇقيات جوسپارلاۋ كەرەگىن ويلاي بەرىڭىز. كوماندالاردى وزدىگىنەن دامىتۋ جانە تاراتۋ مۇمكىن ەمەس» دەدى مەملەكەتتىك حاتشى.
ەرلان قارين بۇل توپتاردىڭ ناقتى جوسپارلانعان ۇيلەسىمدى ارەكەتتەرى دەپ سانايدى. ولاردىڭ مىندەتى – جاعدايدى جالپى تۇراقسىزداندىرۋ. «تۇپكى ماقساتىن قازىر ايتۋ قيىن, بىراق مەنىڭ ويىمشا, ءبىز جالپى تۇراقسىزداندىرۋ جانە ىقتيمال مەملەكەتتىك توڭكەرىس ارەكەتىنە قازاقستانعا گيبريدتى تەرروريستىك شابۋىلعا تاپ بولدىق. بىرەۋلەر «بارقىت رەۆوليۋتسياسىمەن» سالىستىرادى, بىراق قازاقستانعا قاتىستى بۇل ارەكەتتەر ءتيىمسىز بولدى. دەگەنمەن ءبىزدىڭ ەلدەگى جاعداي باسقا جانە بيلىك ۇستانىمى تياناقتى. ولار «ءتۇرلى ءتۇستى» رەۆوليۋتسيانىڭ كلاسسيكالىق ۇلگىسى بولىپ كەتۋىنە جول بەرمەس ەدى. ەڭ اقىرىندا قازاقستاندا مۇلدە باسقا مودەل بولدى. جاعدايدى تۇراقسىزداندىرۋدىڭ باسقا ستسەناريى, راديكال جانە تەرروريستىك توپتاردى قولدانۋ ارقىلى بولدى» دەدى مەملەكەتتىك حاتشى.
ول پرەزيدەنتتىڭ ۇقشۇ-نىڭ بىتىمگەرلىك كونتينگەنتىن شاقىرۋ مەملەكەتتىڭ تۇتاستىعىن قورعاۋعا كومەكتەسكەنىنە توقتالدى.
«بىتىمگەرلىك كونتينگەنت ەلىمىزدىڭ ەگەمەندىگىنە نۇقسان كەلتىرەدى دەگەن اڭگىمەلەردىڭ ءبارى جاي ءسوز عانا. ەگەر مەملەكەتتىڭ تۇتاستىعى بۇزىلعان بولسا, قورعايتىن ەشتەڭەمىز دە قالمايتىن ەدى. سوندىقتان ۇقشۇ-نىڭ بىتىمگەرلىك كونتينگەنتىن شاقىرۋ, كەرىسىنشە, مەملەكەتتىڭ تۇتاستىعىن قورعاۋعا كومەكتەستى. پرەزيدەنتتىڭ وسى شەشىمدەرىنىڭ ارقاسىندا ءبىز ەلىمىزدى قورعاپ قالدىق دەپ ويلايمىن. وسىنى اشىق ايتۋىمىز كەرەك. ءبىز ءتارتىپتى قالىپقا كەلتىردىك دەگەن سياقتى سوزدەردى ايتقاندا, ەلدە بولعان جانە بولىپ جاتقان احۋالدىڭ سيپاتىن تولىق بەرە المايمىز. تاياقتىڭ ءبىر ۇشىندا تەك ءتارتىپتى قالىپقا كەلتىرۋ عانا ەمەس, مەملەكەتتى ساقتاپ قالۋ, قورعاپ قالۋ ماسەلەسى تۇردى. قاڭتاردىڭ وسىناۋ دراماعا تولى كۇندەرىندە ءبىز مەملەكەتتىلىگىمىزدى ساقتاپ قالا الدىق» دەدى ە.قارين.
ونىڭ ايتۋىنشا, قاتاڭ شەشىمدەر قابىلداپ, ۋاقىتىلى ارەكەتتەر جاساۋ كەرەك بولدى. «پرەزيدەنت دەر كەزىندە وسىنداي شەشىمدەر قابىلدادى. ۇجىمدىق قاۋىپسىزدىك تۋرالى شارت ۇيىمىنىڭ بىتىمگەرلىك كونتينگەنتىن تارتۋ تۇراقسىزدىق ورناتۋ جوسپارىن بۇزىپ, بولدىرماي تاستادى. ويتكەنى بىتىمگەرلىك كونتينگەنتتى شاقىرۋدىڭ ارقاسىندا قۇقىق قورعاۋ ورگاندارى مەن ارميانىڭ كۇشتەرىن كونترتەرروريستىك وپەراتسيانى جۇرگىزۋگە شوعىرلاندىردى. بىراق تاعى ءبىر رەت ەسكە سالاتىن جايت, بىتىمگەرلىك كونتينگەنت تەك ستراتەگيالىق نىسانداردى كۇزەتۋ فۋنكتسياسىن عانا ورىندايدى» دەدى مەملەكەتتىك حاتشى.
ول قازاقستاندىقتار بىرلىك پەن ىنتىماق ارقىلى عانا بيلىككە كومەكتەسە الاتىنىن جەتكىزدى.
«وسى كۇندەرى اكىمدىكتەردى, پوليتسيا عيماراتتارىن باسىپ الىنعانىن, تاعىسىن تاعىنى كورگەندە, ولار سيمۆول ەدى عوي دەپ ويلاعان ەدىك… الايدا مەملەكەتتىك سيمۆول جۇرەكتە, سانادا جاتىر ەكەن. مەملەكەت دەگەن ءبىز ەكەنبىز – مەملەكەتىن قورعاۋعا قابىلەتتى ۇيىمشىل ازاماتتار. بىلەسىز بە, بۇل كۇندەرى ءارتۇرلى كورىنىستى كوردىم. ءتۇنى بويى قورعانىستا تۇرۋعا دايىن پوليتسەيلەردى كوردىم. وتە كوپ حابارلاما كەلگەنىن كوردىم. وكىنىشكە قاراي, بارىنە جاۋاپ بەرە المادىم. دوستارىمنان, ارىپتەستەرىمنەن, بەيتانىس ادامداردان نەمەسە direct-تەن «قالاي كومەكتەسە الامىز؟ كومەكتەسكىمىز كەلەدى» دەگەن حابارلامالار كەلدى. ەڭ باستىسى, ىنتىماق ءار نارسەدە بايقالۋى مۇمكىن. بۇل كوشەدە, پوليتسياعا كومەك كورسەتۋ, قوعامدىق ءتارتىپتى ساقتاۋ بويىنشا جۇمىسىمىزدان كورىنۋى مۇمكىن. ءبىزدىڭ كومەگىمىز – ەلگە اقپاراتتىق شابۋىلدى بولدىرماۋ, ءبىزدىڭ كومەگىمىز جالعان اقپاراتپەن بولىسپەۋ, ءوزىمىز جالعان اقپاراتتىڭ جولىن كەسۋىمىز, ءالى دە ءجۇرىپ جاتقان بارلىق جالعان اقپاراتتى سۇزگىدەن وتكىزۋىمىز. سوندىقتان حابارلامالار تولقىنى, ءتىپتى كەيبىر ماسەلە بويىنشا ءارتۇرلى يدەولوگيالىق ۇستانىمدا بولساق تا, ولاردان «قازىر ءبىز بىرگەمىز جانە قانداي كومەك كەرەك؟» دەپ حاتتار كەلىپ جاتتى. بۇل ازاماتتاردىڭ ناعىز ىنتىماقتاسقان ءساتى دەپ ويلادىم» دەپ ءسوزىن تۇيىندەدى ەرلان قارين.
