بيىل – قازاقستان مەن بىرىككەن اراب امىرلىكتەرى اراسىنداعى ديپلوماتيالىق قاتىناستاردىڭ ورناعانىنا 30 جىل. وسىعان وراي, ەلورداداعى «جاستار» تەاترىندا ءباا لاۋازىمدى قۇرمەتتى حانىمى, تانىمال زەرگەرى, جازۋشىسى حاليما ابدۋللا ءراشيدتىڭ قاتىسۋىمەن Folk Fashion Astana ءىس-شاراسى ءوتتى. مادەني جيىندا قازاقستاندىق جاس سۋرەتشىلەردىڭ كورمەلەرى ۇيىمداستىرىلىپ, تالانتتى سانگەرلەردىڭ كيىم ۇلگىسى كورسەتىلدى.
«جاھاندىق ايەلدەر كوشباسشىلىعى» قب پرەزيدەنتى حانزادا بالتاەۆا مۇرىندىق بولعان Folk Fashion Astana جوباسىنىڭ سالتاناتتى تۇردە اشىلۋىنا نۇر-سۇلتان قالاسى اكىمىنىڭ ورىنباسارى ەرلان بەكمۇرزاەۆ, قر ءماجىلىس دەپۋتاتتارى, ءباا-ءنىڭ قازاقستانداعى ۋاقىتشا سەنىمدى وكىلى اممار البرەيكي مىرزا قاتىستى. كەشتىڭ باستى قوناعى – ءداستۇرلى اراب ديزاينەرى, ءباا ىسكەر ايەلدەر كەڭەسىنىڭ مۇشەسى قازاقستانعا وسىمەن ءۇشىنشى رەت جولى ءتۇسىپ وتىرعانىن جەتكىزدى.
– ماقساتىم – قازاقستان مەن ءباا اراسىنداعى مادەني قۇندىلىقتار تۇرعىسىندا تاجىريبە الماسۋ. كەلگەن سايىن ەكى ەل مادەنيەتىندە ۇقساستىقتار كوپ ەكەنىنە كوزىم جەتە تۇسەدى. قازىرگى تاڭدا زەرگەرلىك تۋرالى تاعى ءبىر كىتابىمدى جازىپ جاتىرمىن, بۇل ەڭبەكتە قازاقستاندىق زەرگەرلەردىڭ تاجىريبەسىن دە سيپاتتاي وتىرىپ, زەرگەرلىك بۇيىمداردى جاساۋداعى تەحنولوگيالار ۇقساستىعى مەن ولاردىڭ بەدەرلەنۋىندەگى ەرەكشەلىكتەردى كورسەتۋدى كوزدەپ وتىرمىن, – دەيدى حاليما ابدۋللا راشيد.
مادەني ءىس-شارا اياسىندا تەاتر فويەسىندە قازاقستان جانە كيپر رەسپۋبليكالارى سۋرەتشىلەر وداعىنىڭ مۇشەسى, «دارىن» مەملەكەتتىك جاستار سىيلىعىنىڭ يەگەرى, سۋرەتشى, كەسكىندەمەشى جانە قولونەر شەبەرى گۇلنازىم ومىرزاقتىڭ تۋىندىلارىنان جەكە شىعارماشىلىق كورمە ۇيىمداستىرىلدى. لەنتا قيۋ راسىمىنەن كەيىن تەاتر ساحناسىندا «شابىت» حالىقارالىق بايقاۋىنىڭ لاۋرەاتى, Fashion ديزاينەر التىنبەك ەرمۇحاننىڭ ۇلتتىق ناقىشتاعى كيىم ۇلگىلەرى مەن ۇلتتىق زەرگەرلىك بۇيىمداردى زاماناۋي ستيلمەن ۇسىنعان تاماشا ءسان كورسەتىلىمى ءوتتى.
قادىرمەندى قوناقتى جەكە قابىلداعان قالالىق ءماسليحات حاتشىسى ەرلان كاناليموۆ الداعى ۋاقىتتا وسى ەلمەن ارادا مادەني جانە الەۋمەتتىك سالاداعى ىنتىماقتاستىق تۋرالى مەموراندۋمعا قول قويىلاتىنىن جەتكىزدى.
– اتا-بابالارىنىڭ زەرگەرلىك ونەردەگى ءىسىن جالعاستىرۋشى, 4-بۋىنداعى زەرگەر, ءباا پرەزيدەنتى سىيلىعىنىڭ يەگەرى حاليما ابدۋللا راشيد – زەرگەرلىك شەبەرلىك تۋرالى ءۇش كىتاپتىڭ دا اۆتورى. ول ءباا-ءنىڭ ەلىمىزدەگى وزىندىك مادەني ەلشىسى. ءباا مۇرا ينستيتۋتىنىڭ كەڭەسشىسى حاليما ابدۋللا راشيدپەن الەۋمەتتىك جوبالاردى قولداۋ ماسەلەلەرىن تالقىلادىق, – دەدى قالالىق ءماسليحات حاتشىسى ە.كاناليموۆ.
