ەلىمىزدە يننوۆاتسيالىق سيپاتتاعى قولدانبالى عىلىمي جوبالاردى جۇزەگە اسىرۋ ءۇشىن گرانتتىق قارجىلاندىرۋعا ءوتىنىش بەرۋ كەزەڭى باستالدى. وسىعان بايلانىستى ءبىلىم جانە عىلىم مينيسترلىگى مەن ۇلتتىق عىلىمي-تەحنيكالىق ساراپتاما ورتالىعى نازارباەۆ ۋنيۆەرسيتەتىندە ءۇش كۇنگە سوزىلعان سەمينار اياسىندا ءتۇسىندىرۋ جۇمىستارىن جۇرگىزدى.
مامانداردىڭ ايتۋىنشا, گرانتتىق قارجىلاندىرۋعا بايلانىستى قازاقستاننىڭ بارلىق قالالارىنان 1000-عا جۋىق وتىنىمدەر كەلىپ ءتۇسۋى مۇمكىن. ولاردىڭ ساپاسىن ارتتىرۋ جانە حالىقارالىق عىلىمي بايلانىستى ودان ءارى جەتىلدىرۋگە ارنالعان سەمينار اياسىندا گرانتتىق قارجىلاندىرۋدىڭ نەگىزگى تەتىكتەرى ءتۇسىندىرىلدى.
جوبالاردى قارجىلاندىرۋدا جىلۋ مەن ەلەكتر ەنەرگەتيكاسى, تابيعات جانە تەحنوگەندىك شيكىزاتتى قايتا وڭدەۋ تەحنولوگيالارى, اقپاراتتىق تەحنولوگيالار, ەلدىڭ زياتكەرلىك الەۋەتى, جاڭا ءبيودارى-دارمەكتەر, ازىق-تۇلىك قاۋىپسىزدىگى, ءبىلىم بەرۋ سالاسىنداعى قولدانبالى زەرتتەۋلەرگە باسىمدىق بەرىلمەكشى.
ءۇش كۇنگە سوزىلعان جيىنعا اقش, ۇلىبريتانيا ەلدەرىنىڭ تانىمال عالىمدارى مەن حالىقارالىق «Elsevier» باسپا كومپانياسىنىڭ وكىلدەرى قاتىسىپ, ءوز ەلدەرىندەگى سالا جەتىستىكتەرىمەن وي ءبولىستى.
گۇلميرا ايماعانبەت
