جانەلدىڭ جاڭا بەلەسى
«ايالاعان استانا – 2016» كونكۋرسىنىڭ جەڭىمپازى جانەل سادۋاقاس جاس ورىنداۋشىلاردىڭ «بالالار جاڭا تولقىنى» حالىقارالىق بايقاۋىنا قاتىسىپ, ەلىمىزدىڭ نامىسىن قورعايتىن بولادى.
بايقاۋ بۇگىن باستالىپ, ەكى كۇنگە جالعاسادى. الەمدىك مۋزىكا سايىسىندا 11 مەملەكەتتەن 8-دەن-12 جاس ارالىعىنداعى بالالار شەبەرلىك سىناسادى.
جانەل سادۋاقاس «ايگولەك», «جۇلدىزدى جول», «لينا اريفۋلينانىڭ بالالار كاراوكەسى» جانە «ايالاعان استانا – 2016» سىندى كوپتەگەن مۋزىكالىق بايقاۋلاردا توپ جارعان. جاس ءانشى وقۋدان بوس ۋاقىتىندا ءان ايتىپ, فورتەپيانودا وينايدى, كىتاپ وقيدى, بي بيلەيدى, ات سپورتىمەن, سەمسەرلەسۋمەن, سۋرەت سالۋمەن اينالىسادى, كەستە تىگىپ, ءدامدى تاعامدار ازىرلەيدى.
– دوستارىم مەنىڭ بارلىق شىعارماشىلىق ءتاجىريبەلەرىمدى تولىق قولدايدى, ولارعا وتە ريزامىن. «بالالار جاڭا تولقىنىن» ىلعي بىرگە كورەمىز. اسىرەسە, دانەليا تولەشوۆا مەن مۇحاممەدالى جۇگىنىسوۆتى ۇنادى. بۇل ەكەۋى دە قازاقستاننىڭ اتىنان قاتىسقان تالانتتى ورىنداۋشىلار. ال مەن ءۇشىن ماڭىزدى بولىپ وتىرعان «جاڭا تولقىن» بايقاۋى مەنىڭ ونەردەگى قادامىمدى اشىپ, جاڭا شابىت سىيلايتىنىنا سەنەمىن, – دەيدى جانەل.