جاڭا جۇمىس تاسىلىندەگى قوعامدىق قابىلداۋ
1 جەلتوقسان – تۇڭعىش پرەزيدەنت كۇنى مەملەكەت باسشىسى, «نۇر وتان» پارتياسىنىڭ توراعاسى نۇرسۇلتان نازارباەۆ رەسپۋبليكالىق قوعامدىق قابىلداۋدىڭ استاناداعى جاڭا عيماراتىندا بولدى.
عيماراتتى ارالاۋ بارىسىندا پارتيا توراعاسىنىڭ ءبىرىنشى ورىنباسارى باۋىرجان بايبەك قوعامدىق قابىلداۋلاردىڭ جاڭا جۇمىس ءتاسىلى تۋرالى حاباردار ەتتى.
«نۇر وتاننىڭ» قوعامدىق قابىلداۋىنا قازاقستانداعى حالىققا قىزمەت كورسەتۋ ورتالىقتارى جۇمىسىنىڭ ۇلگىسى بويىنشا حالىقپەن جۇمىس جاساۋدىڭ سەرۆيستىك باعدارداعى تاسىلدەرى جانە وڭتۇستىك كورەيا, سينگاپۋر, دانيا سياقتى ەلدەردەگى وزىق تاجىريبەلەر ەنگىزىلۋدە.
جاڭا باعىت وڭىرلەردەگى احۋال تۋرالى بالامالى, مەملەكەتتىك ورگاندارعا تاۋەلسىز اقپاراتتار الۋعا مۇمكىندىك بەرەدى.
نۇرسۇلتان نازارباەۆ تۇرعىندارمەن «ون-لاين» رەجيمىندە بايلانىسۋعا بولاتىن «ەلەكتروندى پارتيا» جوباسىمەن تانىستى. پارتيانىڭ رەسمي سايتىنا ءوتىنىش جولداپ, زاڭگەرلىك كەڭەس الۋعا بولادى. ءوتىنىشتىڭ ورىندالۋ بارىسىن nurotan.kz سايتىنان دا, ارنايى بەرىلەتىن QR-كودى ارقىلى دا قاداعالاپ وتىرۋعا بولادى. سونداي-اق, پارتيانىڭ ەلىمىز بويىنشا ورتاق تەگىن (2) 597-850 بايلانىس ءنومىرى بار call-ورتالىعى قۇرىلعان.
سونىمەن قاتار, «نۇر وتان» پارتياسىنىڭ توراعاسى رەسپۋبليكالىق قوعامدىق قابىلداۋعا وتىنىشپەن كەلگەن ازاماتتاردى قابىلدادى.
«نۇر وتاننىڭ» وڭىرلىك ءبولىمشە جەتەكشىلەرى بەينەبايلانىس جۇيەسى بويىنشا پارتيا توراعاسىنا XV سەزدە بەرىلگەن تاپسىرمالاردىڭ ورىندالۋى جونىندە باياندادى.
ءىس-شارا اياقتالعاننان كەيىن «نۇر وتان» پارتياسى ساياسي كەڭەسى بيۋروسىنىڭ مۇشەسى, قر پارلامەنتى سەناتىنىڭ توراعاسى قاسىم-جومارت توقاەۆ نۇرسۇلتان نازارباەۆقا جاڭا ۇلگىدەگى ءبىرىنشى پارتيالىق بيلەتتى تاپسىردى.