كينوەپوپەيا كورەرمەنگە جول تارتتى
مەرەكە كۇندەرى مەملەكەت باسشىسى نۇرسۇلتان نازارباەۆتىڭ ءومىر جولىنا ارنالعان «ەلباسى جولى» اتتى كينوەپوپەيانىڭ تۇساۋكەسەرى ءوتتى.
«ەلباسى جولى» كينوەپوپەياسى وسىدان 2 جىل بۇرىن جارىققا شىققان «بالالىق شاعىمنىڭ اسپانى» ءفيلمىنىڭ جالعاسى. ول «وت وزەن» جانە «تەمىر تاۋ» دەگەن ەكى فيلمنەن قۇرالعان.
– كينوتۋىندى 1,5 جىل ءتۇسىرىلدى. ەلباسى ءومىربايانىنىڭ ءىزىمەن ءجۇرىپ 58-جىلدان باستاپ 68 جىلعا دەيىنگى 10 جىل ارالىعىن قامتىپ, 1,5 جىلدا دوستارىممەن, شىعارماشىلىق توبىممەن توقتاماي كۇنى-ءتۇنى ءتۇسىردىك. ەكى تولىقمەتراجدى فيلم دۇنيەگە كەلدى, – دەدى كينوەپوپەيا رەجيسسەرى رۇستەم ابدىراشەۆ تۇساۋكەسەردە.
ايتۋىنشا, كينوەپوپەيا تۇسىرىلىمىنە جۇزدەن اسا ءارتىس جۇمىلدىرىلعان. ولاردىڭ قاتارىندا بيبىگۇل تولەگەنوۆا, نۇرجۇمان ىقتىمباەۆ, نۇرلان ءالىمجانوۆ, ءمادينا ەسمانوۆا, ناتاليا ارىنباساروۆا, ايدوس بەكتەمىروۆ, تاعى باسقالار بار.
ءفيلمنىڭ ستسەناريىن شاحيماردان قۇسايىنوۆ پەن رۇستەم ءابدىراشوۆ بىرلەسىپ جازعان.
«كينوەپوپەيانىڭ جالعاسى بولادى. بۇل ەكى كارتينا ەلباسىنىڭ بيلىك شىڭىنا دەيىنگى جولىن باياندايدى», – دەپ ءتۇسىندىردى فيلم رەجيسسەرى.