جاردەماقىنى 18 جاسقا تولعانشا تولەۋ كەرەك
«اۋىل» پارتياسىنىڭ قر پارلامەنتى ءماجىلىسىنىڭ دەپۋتاتتىعىنا ۇمىتكەرلەر داۋرەن قۋات پەن قانات تاسىبەكوۆ جامبىل وبلىسىنىڭ زيالى قاۋىم وكىلدەرىمەن كەزدەستى. كەزدەسۋ بارىسىندا پارتيانىڭ سايلاۋالدى باعدارلاماسىن ءتۇسىندىرىپ, ەل تۇرعىندارىنىڭ ۇسىنىس-تىلەكتەرى تىڭدالدى.
پارتيانىڭ سايلاۋالدى باعدارلاماسىندا اۋىلدى كەشەندى دامىتۋ ماسەلەلەرىمەن جاستاردى قولداۋ جان-جاقتى كورسەتىلگەن. ماسەلەن, پارتيا باعدارلاماسىندا جاس وتباسىلارعا تۇرعىن ءۇي الۋعا جانە تۇرعىن ءۇي جاعدايىن جاقسارتۋعا, ال اۋىلعا كوشىپ بارعاندارعا ءۇي الۋعا جانە ءۇي شارۋاشىلىعىن قالىپتاستىرۋعا, اۋىلدا بيزنەس اشۋعا پايىزسىز نەسيە بەرۋ باعدارلاماسىن ەنگىزۋدى كوزدەلگەن. كەزدەسۋدە ءسوز سويلەگەن قانات تاسىبەكوۆ بۇل باستاما جۇزەگە اساتىن بولسا ەل تىرەگى اۋىل جاستارىنىڭ الەۋمەتتىك ماسەلەلەرىنىڭ شەشىلۋىنە تىكەلەي جول اشىلادى دەپ ەسەپتەيتىنىن جەتكىزدى. داۋرەن قۋات «اۋىل» پارتياسىنىڭ سايلاۋالدى باعدارلاماسىندا بالالى وتباسىلارعا ارنالعان ءتيىمسىز, قىسقا مەرزىمدى تولەمدەردىڭ ورنىنا كەپىلدەندىرىلگەن «بالا ءناسىبى» جاردەماقىسىن ەنگىزىپ, ونى 18 جاسقا تولعانشا تولەۋ ۇسىنىلىپ وتىرعانىن ايتتى.
سونىمەن قاتار, كەزدەسۋ بارىسىندا اۋىلشارۋاشىلىعى ونىمدەرىن ءوندىرۋ ىسىمەن اينالىسىپ جاتقان كاسىپورىندار مەن فەرمەرلەردى قولداۋ ماقساتىندا قوسىمشا قۇن سالىعىنان بوساتىپ, نەسيەلەردى ارزانداتۋدى كوزدەيتىن سۋبسيديا تۇرلەرىن بەسەۋگە دەيىن قىسقارتۋ باستاماسى پارتيانىڭ باعدارلاماسىنا ەنىپ وتىرعانى ايتىلدى. كەزدەسۋ بارىسىندا زيالى قاۋىم وكىلدەرى پارتيانىڭ باستامالارى اۋىل تۇرعىندارىنىڭ عانا ەمەس, جالپى جۇرتشىلىقتىڭ كوڭىلىنەن شىعادى دەپ ەسەپتەيتىندەرىن ايتتى. پارتياعا الداعى سايلاۋدا ساتتىلىك تىلەدى.