قالا اكىمىنىڭ ورىنباسارى اندرەي لۋكين جاس عالىمدارعا ەسىلدىڭ سول جاعالاۋىنان پاتەر كىلتىن تابىستادى.
كەرەي مەن جانىبەك حاندار كوشەسى بويىنان بوي كوتەرگەن بەس قاباتتى ءۇش تۇرعىن ءۇي كەشەنى س.سەيفۋللين اتىنداعى قازاق اگروتەحنيكالىق ۋنيۆەرسيتەتىنىڭ ۇجىمىنا ارناپ سالىنعان. قونىس تويىن تويلاۋعا ۋنيۆەرسيتەت رەكتورى اقىلبەك كۇرىشباەۆ پەن ۋنيۆەرسيتەتتىڭ وقىتۋشىلار قۇرامى كەلدى. ءوزى سوزىندە ۋنيۆەرسيتەت باسشىسى وسىدان ءبىراز ۋاقىت بۇرىن پرەزيدەنتتىڭ جەكە قابىلداۋىنا كىرگەندە ۋنيۆەرسيتەت قىزمەتكەرلەرىنە ارناپ تۇرعىن ءۇي سالۋعا رۇقسات العانىن, ۋاقىت وتە كەلە ارمانى ورىندالعانىن ايتىپ, قۋانىشىمەن ءبولىستى.
-بۇگىن 120 ادامعا جاڭا پاتەردىڭ كىلتى بەرىلەدى. استانا قالاسىنىڭ اكىمى اسەت يسەكەشوۆتىڭ تاپسىرۋىمەن وسى قۋانىشتى بولىسۋگە كەلىپ وتىرمىن. بۇگىندە استانا قالاسىندا حالىقتى تۇرعىن ۇيمەن قاماتاماسىز ەتۋدە ءاربىر جانعا 29 شارشى مەتردەن كەلەدى. جىل سايىن ەلوردادا 2 ملن شارشى مەترگە جۋىق تۇرعىن ءۇي تاپسىرىلادى. سىزدەردىڭ ۇيلەرىڭىز از ۋاقىتتىڭ ىشىندە تۇرعىزىلىپ, ەل تاۋەلسىزدىگىنىڭ 25 جىلدىق مەرەيتويىنا تۇسپا-تۇس كەلىپ وتىر. ءاربىر قونىسقا قۇتتى قادام تىلەيمىن! – دەدى اندرەي لۋكين.
جاڭادان باسپانالى بولعان قۋانىش يەلەرىنىڭ قاتارىندا «بولاشاق» باعدارلاماسى بويىنشا ۇلىبريتانيا مەن مالايزيا ۋنيۆەرسيتەتتەرىندە ءبىلىمىن شىڭداعان جاس عالىمدار ءاليا بايتەلەنوۆا, نازگۇل قۇندىزباەۆا, اينۇر عابدۋلينا, كاليفورنيا شتاتىنىڭ دەيۆيس ۋنيۆەرسيتەتىندە ءىس-تاجىريبەدەن وتكەن جاس ۇستازدار باقىتجان ۇلكەنوۆ, رۋميا گاليموۆا جانە جۇلدىز ساتاەۆالار بار. سونىمەن قاتار جاس وتباسى رەتىندە قانات تۇرسىنوۆ پەن باۋىرجان ەنسەپوۆكە دە جاڭا پاتەردىڭ كىلتى تابىستالدى.
گۇلميرا ايماعانبەت
