الداعى ۋاقىتتا قازاقستاندىق وقۋشىلارعا مۇشەقاپتار تەگىن تاراتىلۋى مۇمكىن. بۇل تۋرالى دەنساۋلىق ساقتاۋ مينيسترلىگى مالىمدەدى.
دەنساۋلىق ساقتاۋ مينيسترلىگى ستراتەگيالىق دامۋ جانە قوعامدىق دەنساۋلىق ساقتاۋ دەپارتامەنتىنىڭ باسشىسى ايجان ەسماعامبەتوۆانىڭ ايتۋىنشا, قالاۋسىز جۇكتىلىك پەن كامەلەتتىك جاسقا تولماعاندار اراسىنداعى قىلمىستىق تۇسىكتەر جاساتۋ سانىن ازايتۋ ءۇشىن مەكتەپ وقۋشىلارىنا مۇشەقاپتاردى تەگىن تاراتىپ, 16 جاستان باستاپ قىز بالالارعا اتا-انانىڭ رۇقساتىنسىز جاساندى تۇسىك جاساتۋعا مۇمكىندىك بەرۋ قاجەت.
«سوندا بارلىق جاۋاپكەرشىلىك تەك كومەك كورسەتكەن مەديتسينالىق قىزمەتكەرگە ارتىلاتىن بولادى. بۇل ماسەلەنى شەشۋدى جەڭىلدەتۋى مۇمكىن. سوندىقتان بۇل نورمالاردى حالىق دەنساۋلىعى جانە دەنساۋلىق ساقتاۋ جۇيەسى تۋرالى كودەكسكە ەنگىزۋ جوسپارلانۋدا» دەدى ۆەدومستۆو باسشىسى.
ازىرگە اتالمىش ماسەلە تالقىلانىپ جاتقان كورىنەدى. بىراق بۇل – اقىلعا سىيمايتىن نارسە.
قازاقتا «قىزعا قىرىق ۇيدەن تىيىم» دەگەن ءسوز بار. ەگەر بۇگىن بۇل باستاما جۇزەگە اسىپ كەتسە, جۇگەنسىز كەتكەن ءجاسوسپىرىم ەرتەڭ ويران سالىپ, ۇرپاقتىڭ ازعىنداۋىنا الىپ كەلۋى مۇمكىن عوي. بالالار مۇنى «رۇقسات بەرىلدى» دەپ قابىلداپ, مەكتەپ ىشىندە سۇمدىق جاساماۋىنا كىم كەپىل بەرە الادى؟ ماسەلەنى شەشۋدىڭ باسقا جولى جوق پا؟ مۇنداي «جاڭاشىلدىققا» جول بەرگەلى وتىرعان مينيسترلىكتىڭ نە ايتارى بار؟
