استانا قالاسى قوعامدىق دامۋ ىستەرى باسقارماسىنىڭ ۇيىمداستىرۋى مەن قالا سىرتىنداعى «التىن قىرعاۋىل» مادەني-ساۋىقتىرۋ كەشەنىنىڭ جانىنان «جاستار سينەرگياسى» اتتى جاستاردىڭ جازعى لاگەرى اشىلدى.
سالتاناتتى شاراعا پارلامەنت ءماجىلىسىنىڭ دەپۋتاتتارى باقىتبەك سماعۇل پەن زاعيپا باليەۆا, ءدىن ىستەرى جانە ازاماتتىق قوعام مينيسترلىگى جاستار ساياساتى دەپارتامەنتىنىڭ ديرەكتورى اسحات ورالوۆ, قوعامدىق دامۋ ىستەرى باسقارماسىنىڭ باسشىسى دانيار ەسين جانە ءتۇرلى ۇيىم وكىلدەرى مەن جاستار قاتىستى. شارا بارىسىندا انشىلەر مەن بارابانشىلار كوپشىلىكتىڭ الدىندا ونەر كورسەتتى.
جاستاردى وتانسۇيگىشتىككە باۋلۋ ماقساتىندا ۇيىمداستىرىلعان شارادا ورەلى ورەندەردىڭ بيزنەس, مادەنيەت جانە سپورت, الەۋمەتتىك سالالار بويىنشا ازىرلەگەن جوبالارى ۇسىنىلدى. مىسالى, ل.گۋميلەۆ اتىنداعى ەۋرازيا ۇلتتىق ۋنيۆەرسيتەتىنىڭ ستۋدەنتى نۇرسىيلا جۇرمانوۆا «ەكو قادام» جوباسىن ازىرلەپتى. ءوزىنىڭ جوباسىندا ول بارشا زامانداستارىن قورشاعان ورتانى, تابيعاتتى ايالاۋعا شاقىرادى. وسىمەن ءتورتىنشى رەت ۇيىمداستىرىلىپ وتىرعان جازعى لاگەردىڭ اشىلۋىمەن قۇتتىقتاعان دانيار ەسين ەڭ ۇزدىك دەپ تانىلعان جوبالاردى جۇزەگە اسىرۋ ءۇشىن قالالىق اكىمدىك پەن كاسىپكەرلەردىڭ قول داۋ كورسەتەتىنىن جەتكىزدى.
لاگەردىڭ اشىلۋ سالتاناتىنان كەيىن سپيكەرلەر 16 مەن 29 جاس ارالىعىنداعى جاستارمەن ەركىن فورماتتا كەزدەسۋ وتكىزدى. بيزنەس, سپورت جانە مادەنيەت سياقتى بەس باعىت بويىنشا جوبا ازىرلەگەن جاستار 22 ماۋسىمعا دەيىن مۇندا ترەنينگتەر مەن ءتۇرلى شارالار ۇيىمداستىرماق.
نۇرداۋلەت كاكىشەۆ
