بۇگىن «جىبەك جولى – 2016» ترانسكونتينەنتالدىق راللي-مارافونىنىڭ 120 ەكيپاجى استاناعا ات باسىن تىرەيدى. ەلوردا تۇرعىندارى مەن قوناقتارى قوناقتاردى ساعات 21.00-دە «بايتەرەك» مونۋمەنتىنىڭ الدىنداعى الاڭدا قارسى الادى, سونىمەن قاتار, Astana Motorsports كومانداسىنىڭ ءتورت ەكيپاجىنىڭ رەسمي تانىستىرىلىمىن تاماشالايدى.
بۇگىنگى تاڭدا بۇل – الەمدىك اۆتوسپورتتاعى ەڭ ماڭىزدى ءىس-شارالاردىڭ ءبىرى, «جىبەك جولى» ەكى جىلدىق ۇزىلىستەن كەيىن قايتا جانداندىرىلدى. راللي-مارافون شىلدەنىڭ 8-ءى مەن 24-ءى ارالىعىندا وتەدى جانە ءۇش استانانى – ماسكەۋ, استانا جانە بەيجىڭ قالالارىن قامتيدى. مارشرۋتتىڭ ۇزىندىعى – 10 735 كم استام, بۇل اتى اڭىزعا اينالعان «داكار» رالليىندەگى قاشىقتىقتان ارتىق (بيىل «داكاردىڭ» ۇزىندىعى 9 300 كم قۇرادى).
قازاقستاننىڭ اتىنان «استانا» پرەزيدەنتتىك كاسىپقوي سپورت كلۋبىنىڭ Astana Motorsports راللي-كومانداسىنىڭ 4 ەكيپاجى قاتىسادى. 8 شىلدەدە ماسكەۋدەن باستاۋ العان راللي استانا ارقىلى ءوتىپ, 24 شىلدەدە بەيجىڭدە اياقتالادى. وسى كۇنگە دەيىن شاراعا قاتىسۋشىلار 3000 شاقىرىمنان استام جول ءجۇردى. ەكيپاجدار ەلورداعا قوستانايدان كەلەدى. كەشە جۇرگىزۋشىلەر رەسەي اۋماعىنداعى سوڭعى كەزەڭدى اياقتاپ, قازاقستاننىڭ شەكاراسىن كەسىپ ءوتتى. وسىلايشا, جەتى جىلدان كەيىن تورتكۇل دۇنيەدەگى ەڭ كۇردەلى جارىستاردىڭ ءبىرى «جىبەك جولىنا» قايتا ورالدى.
بۇگىن رالليگە قاتىسۋشىلار ساعات 16:45 شاماسىندا ەلورداعا كەلەدى. ولار ءالى 850 كم جول جۇرۋگە ءتيىس. مارەگە جەتكەنشە قالا ورتالىعىمەن ءوتىپ, ەلورداداعى مەرەكەگە قاتىسادى.
«بايتەرەك» مونۋمەنتىنىڭ الدىندا كوماندا ەكيپاجدارىمەن ءباسپاسوز ءماسليحاتى وتەدى. ايتا كەتەيىك, قىتايعا جول تارتپاس بۇرىن ولار بالقاش پەن الماتى قالالارىنا سوعادى.
astana.gov.kz
