استانا قالاسىنداعى №2 قالالىق كوپسالالى اۋرۋحانانىڭ دارىگەرلەرى ءبىر تاۋلىكتە 53 رەت جۇرەگى توقتاپ قالعان ناۋقاستى امان الىپ قالدى.
دارىگەرلەر اۋرۋحاناعا 6 قاڭتاردا وتە اۋىر حالدە جەدەل جاردەممەن تۇسكەن ناۋقاستىڭ ءومىرى ءۇشىن 35 كۇن بويى كۇرەستى.
مامانداردىڭ ايتۋىنشا, ناۋقاستىڭ قان اينالىمى ۇنەمى توقتاي بەرگەن. كۇنى-ءتۇنى ونىڭ جۇرەگى قايتا-قايتا «ىسكە قوسىلىپ», كەيدە سوعۋىن توقتاتقان. وسىلايشا ءبىر كۇندە جۇرەك 53 رەت توقتاعان. سودان جاساندى جۇرەك پەن وكپەنىڭ قىزمەتىن اتقاراتىن ەكستراكورپورالدى مەمبرانا وكسيگەناتسياسىن قوسۋعا تۋرا كەلدى.
استانالىق اۋرۋحاناداعى بۇل وقيعانى مەديتسينا رەانيماتولوگتارى «مەديتسينانىڭ عاجايىبى» دەپ اتاپ وتىر.
قازىر ناۋقاستىڭ جاعداي تۇراقتالىپ, ينتەرۆەنتسيالىق كارديولوگيا بولىمىندە ەم الىپ جاتىر.
