ەلورداداعى حالىقتى جۇمىسپەن قامتۋ ورتالىعى «قوعامدىق جۇمىستار», «جاستار پراكتيكاسى», «الەۋمەتتىك جۇمىس ورىندارى», «العاشقى جۇمىس ورنى», «ۇرپاقتار كەلىسىمشارتى» جۇمىسقا ورنالاستىرۋ باعدارلامالارى اياسىندا جۇمىس ورىندارىن ۇيىمداستىرۋ ءۇشىن جۇمىس بەرۋشىلەردەن وتىنىمدەر قابىلداۋدى باستادى.
* وتىنىمدەردى جيناۋ قارجىلاندىرۋ ليميتىنە سۇيەنە وتىرىپ, جىل سايىن 1 قاراشاعا دەيىن جۇزەگە اسىرىلادى. جۇمىسپەن قامتۋدىڭ بەلسەندى شارالارىن ۇيىمداستىرۋ جونىندەگى ءىس-شارالار جايلى تولىق اقپاراتتى czn.kz سايتىنان نەمەسە 8(7172) 57 89 35; 72 93 56 تەلەفوندارى ارقىلى بىلۋگە بولادى.
* «قوعامدىق جۇمىستار» – حالىقتى جۇمىسپەن قامتۋ ورتالىعى ۇيىمداستىراتىن, قىزمەتكەردىڭ الدىن الا كاسىپتىك دايارلاۋدان ءوتۋىن تالاپ ەتپەيتىن, الەۋمەتتىك پايدالى باعىتى بار ەڭبەك قىزمەتىنىڭ ءتۇرى.
* «جاستار تاجىريبەسى» باعدارلاماسىنا ءۇش جىل بۇرىن ديپلوم العان, جۇمىس تاجىريبەسى جوق, 29 جاسقا دەيىنگى, تەحنيكالىق جانە كاسىپتىك جانە جوعارى وقۋ ورىندارىن اياقتاعان تۇلەكتەر قاتىسادى. ءوتۋ ۇزاقتىعى – 6 اي.
* الەۋمەتتىك جۇمىس ورىن – جۇمىس بەرۋشى جۇمىسسىزداردى جۇمىسقا ورنالاستىرۋ ءۇشىن حالىقتى جۇمىسپەن قامتۋ ورتالىعىمەن شارتتىق نەگىزىندە قۇراتىن جۇمىس ورنى. ولاردىڭ اراسىندا تابىسى از جانە كوپبالالى وتباسىلاردىڭ مۇشەلەرى, مۇگەدەك بالالاردى تاربيەلەپ وتىرعان ادامدار جانە ت.ب. باسىمدىق پايدالانىلادى, بۇل رەتتە جالاقىنى مەملەكەت سۋبسيديالايدى.
* الەۋمەتتىك جۇمىس ورىندارىنا قاتىسۋ ۇزاقتىعى 12 ايدان استام ۋاقىتتى قۇرايدى. اي سايىنعى سۋبسيديا مولشەرى جالاقىنىڭ بەلگىلەنگەن مولشەرىنىڭ 35%-ىن قۇرايدى, بىراق ەتج مولشەرىنەن اسپايدى.
* «العاشقى جۇمىس ورنى» جوباسى ءبىرىنشى رەت جۇمىس ىزدەپ جۇرگەن, 29 جاستان اسپاعان جانە جۇمىس تاجىريبەسى جوق NEET ساناتىنداعى جاستارعا ارنالعان. «العاشقى جۇمىس ورنى» جوباسىنا قاتىسۋشى كەمىندە 24 اي مەرزىمگە تۇراقتى جۇمىسقا ورنالاسادى. سۋبسيديا (جالاقى) مولشەرى 20 اەك (58 340 تەڭگە) قۇرايدى.
* «ۇرپاقتار كەلىسىمشارتى» زەينەتكەرلىككە شىعاتىن ەڭبەككەرلەردى اۋىستىرۋعا كادرلار دايارلايتىن جاستارعا ارنالعان. ۇرپاقتار كەلىسىمشارتىنا قاتىسۋشى كەمىندە 18 اي مەرزىمگە تۇراقتى جۇمىسقا ورنالاسادى. سۋبسيديا (جالاقى) مولشەرى 20 اەك (58 340 تەڭگە) قۇرايدى.
