«2020 جىلى الەم بويىنشا اتالمىش دەرتتىڭ 22 ملن-نان استام جاعدايى تىركەلىپ, اقىرى ءسۇت بەزىنىڭ وبىرى 685 مىڭ ايەلدىڭ ءومىرىن جالمادى. اۋرۋ العاشقى ساتىسىندا انىقتالسا, وندا ەمدەۋگە بولادى. ادەتتە ءسۇت بەزىنىڭ قاتەرلى ىسىگى حيرۋرگيالىق وپەراتسيانى, ساۋلەلىك تەراپيانى, حيميوتەراپيانى جانە گورمونداردى قولدانۋ ارقىلى ەمدەلەدى. الدىمەن ىسىك پايدا بولادى دا تۇتىكتە نەمەسە لوبۋلادا وسەدى. بۇل ءينۆازيۆتى قاتەرلى ىسىك جانە ەشقانداي بەلگىلەرى بولمايدى. ۋاقىت وتە كەلە, نولدىك ساتىداعى قاتەرلى ىسىك ءوسىپ, ءسۇت بەزدەرىنىڭ ۇلپالارىن كوبەيتىپ, ءينۆازيۆتى ءسۇت بەزىنىڭ قاتەرلى ىسىگى پايدا بولادى. ءارى قاراي ول جاقىن ماڭداعى ليمفا تۇيىندەرىنە تارالادى. ايماقتىق مەتاستاز, ارى قاراي الىس مەتاستاز, ياعني باسقا ورگاندارعا ءوتۋ پايدا بولادى» دەدى №15 قالالىق ەمحانانىڭ اكۋشەرلىك-گينەكولوگيالىق قىزمەتىنىڭ مەڭگەرۋشىسى جانسايا سادۋوۆا.
ءسۇت بەزى قاتەرلى ىسىگىنىڭ دامۋىن ۇزاق ۋاقىت بالا ەمىزۋ, تۇراقتى سپورتپەن اينالىسۋ تەجەيدى. سالماعىڭىزدى باقىلاۋ دا ارتىق بولمايدى.
«الكوگول ءىشىپ, تەمەكى نەمەسە وعان ۇقساس زياندى زاتتاردى شەكپەڭىز. سول سياقتى گارمونداردى ۇزاق قولدانۋدان دا باس تارتقانىڭىز دۇرىس. ءسۇت بەزىن ۇنەمى تەكسەرىپ وتىرۋ كەرەك, ماممولوگقا ۋاقىتىندا بارىپ, سكرينينگتەن ءوتۋ قاجەت. كوبىنەسە ءسۇت بەزىنىڭ قاتەرلى ىسىگى كەۋدەدەگى اۋىرمايتىن «تۇيىنشەك» نەمەسە «دومالاق» تۇرىندە بايقالادى. ەگەر كەۋدەڭىزدە وسىعان ۇقساس بىرنارسە شىعىپ, ەشقانداي اۋىرسىنۋ بولماسا, دەرەۋ مامانعا حابارلاسۋىڭىز قاجەت. مۇنداي بەلگىلەر پايدا بولعاننان كەيىن جاقىن ارادا مەديتسينالىق كومەككە جۇگىنۋ جىلدام ەمدەلۋگە ىقپال ەتەدى» دەپ ءتۇسىندىردى ج.سادۋوۆا.
