جۋرناليستەر اراسىندا وتەتىن جىل سايىنعى «بىرلىك جارشىسى» بايقاۋى بيىل استانانىڭ 20 جىلدىعىنا ارنالدى.
بايقاۋعا ەتنوسارالىق كەلىسىم تاقىرىبىن تەرەڭ قامتىعان قازاقستاننىڭ بىرقاتار قالالارىنان 25 ماتەريال ۇسىنىلىپتى. قازاق جانە ورىس تىلىندە جازىلعان ماقالالاردى قازىلار القاسى ەكى سانات بويىنشا انىقتاعان. قازاقستاندىق وتانسۇيگىشتىك رۋحىندا ءتاربيەلەۋگە باعىتتالعان تالدامالى تۇرعىداعى ۇزدىك ماتەريال بويىنشا گاككۋ اسىلبەكقىزى («كوكشەتاۋ» گازەتى), راۋان ەسقالي (قحا سايتى) جانە ەرمەك جۇماحمەتۇلى («الماتى اقشامى» گازەتى) جەڭىمپازدار قاتارىنان كورىندى. ال قازاقستان حالقى اسسامبلەياسى قىزمەتىن كورسەتۋگە باعىتتالعان «ۇزدىك ماقالا» اتالىمى بويىنشا ءارىپتەسىمىز, «استانا اقشامى» گازەتىنىڭ شولۋشىسى گۇلميرا ايماعانبەت جانە ۆەنەرا تۇگەل («ەگەمەن قازاقستان» گازەتى), كالبينۋر حوشنازاروۆا («احىسكا» گازەتى) جەڭىسكە جەتتى. بايقاۋدىڭ بارلىق جەڭىمپازدارى قۇرمەت گراموتالارىمەن جانە اقشالاي سىيلىقتارمەن ماراپاتتالدى. ارىپتەستەردى بۇل جەڭىسىمەن قۇتتىقتاي وتىرىپ, شىعارماشىلىق تابىس تىلەيمىز.
