«قازمەديا» ورتالىعىندا ەلىمىزدىڭ باس باسىلىمى «Egemen Qazaqstan» گازەتىنىڭ 100 جىلدىق مەرەيتويىنا وراي سالتاناتتى شارا ءوتتى. سالتاناتتى جيىنعا پارلامەنت دەپۋتاتتارى, رەسمي تۇلعالار, وڭىرلەردەن كەلگەن قوناقتار, باق وكىلدەرى قاتىستى.
ايتۋلى مەرەيتويعا وراي ەلباسى نۇرسۇلتان نازارباەۆتىڭ قۇتتىقتاۋىن قازاقستان رەسپۋبليكاسىنىڭ مەملەكەتتىك حاتشىسى قىرىمبەك كوشەرباەۆ وقىپ بەردى. «جاڭالىقتى جۇرتشىلىققا جەدەل ءارى شىنايى تۇردە جەتكىزىپ, ەگەمەن ەلىمىزدىڭ مەملەكەتتىك ساياساتىن قالىڭ وقىرمان اراسىندا بايىپتى ناسيحاتتاپ, ەل شەجىرەسىن قاعازعا حاتتاعان بايىرعى باسىلىمنىڭ بەدەلى ءاردايىم بيىك» دەپ اتاپ ءوتتى قۇتتىقتاۋىندا تۇڭعىش پرەزيدەنت. سونداي-اق پرەزيدەنت ق.توقاەۆتىڭ دا قۇتتىقتاۋى وقىلدى. «قازاقستاننىڭ شەجىرەسى باس باسىلىمنىڭ تاريحىمەن قاتار ءوربىدى. تاۋەلسىزدىك تاڭى اتقالى گازەتتىڭ ءار سانىندا ەلباسىنىڭ بارلىق باستامالارى مەن شەشىمدەرى, مەملەكەتتىك ماڭىزى بار ءىس-شارالار باياندالدى. وسى يگى ءۇردىس جاڭعىرۋدىڭ جاڭا كەزەڭىندە جالعاسىن تاۋىپ, ەگەمەندىكتەر تاۋەلسىزدىگىمىزدىڭ باياندى بولۋى جولىندا جەمىستى قىزمەت ەتە بەرەدى دەپ سەنەمىن» دەپ لەبىزىن ءبىلدىردى مەملەكەت باسشىسى. 
قاللەكي تەاترى دايىنداعان «ءجۇز جىل جانە جالعىز ءسات» دەپ اتالاتىن تەاترلاندىرىلعان قويىلىم كورسەتىلىپ, ۇلت قايراتكەرلەرى ەل الدىنا شىقتى.
