استانادا تۇرعىن ۇيلەر مەن الەۋمەتتىك نىساندار جىلىتۋ ماۋسىمىنا ازىرلەنىپ جاتىر. قالاداعى 2120 ءۇيدىڭ 1994-ىندە بارلىق جۇمىستار اياقتالدى. اتاپ ايتقاندا, شاتىرلارعا جوندەۋ جۇرگىزىلىپ, سۋمەن جانە جىلۋمەن جابدىقتاۋ جۇيەسى اۋىستىرىلدى.تۇرعىن ۇيلەرگە ەسەپتەگىش قۇرىلعىلار تۇگەل قويىلدى.
ماسەلەن, ءبىر عانا الماتى اۋدانىنداعى 1035 كوپ پاتەرلى تۇرعىن ءۇيدىڭ 1003-ءى بەكىتىلگەن كەستەگە ساي جىلىتۋ ماۋسىمىنا تولىق دايىن. 252 ۇيگە جالپىتۇرعىنۇيلىك جىلۋ ەسەپتەگىش قۇرىلعىسى ورناتىلدى. اتالمىش جۇمىستار «استانا تەپلوترانزيت» اق جانە «استانا سۋ ارناسى» مقك ينۆەستيتسيالىق باعدارلاماسى اياسىندا جۇزەگە استى.
الەۋمەتتىك نىساندارعا كەلەتىن بولساق, ەلورداداعى 71 مەكتەپ الداعى جىلىتۋ ماۋسىمىنا ساقاداي-ساي. مەكتەپكە دەيىنگى ءبىلىم بەرۋ مەكەمەلەرى مەن دەنساۋلىق ساقتاۋ نىساندارى دا تولىعىمەن دايىن دەۋگە نەگىز بار.
ەستەرىڭىزگە سالا كەتەيىك, وتكەن جىلدىڭ جىلىتۋ ماۋسىمىندا ىستىق جانە سۋىق سۋ, جىلۋ بەرۋ, ەلەكتر قۋاتىمەن قامتۋ بويىنشا بارلىق تەحنيكالىق تالاپتار ويداعىداي ورىندالعان بولاتىن. جىلىتۋ ماۋسىمى كەزىندە قالاداعى قۋات كوزدەرىنەن شامامەن ەكى ميلليون توننا نەمەسە 28 943 ۆاگون كومىر, 20 327 توننا نەمەسە 376 تسيستەرنا مازۋت جۇمسالعان. سونىمەن بىرگە, 1 426 ملن.كۆت ەلەكتر قۋاتى مەن 4328 مىڭ گكال جىلۋ ەنەرگياسى وندىرىلگەن ەدى.
گۇلميرا ايماعانبەت
