ءماسليحات دەپۋتاتتارى كەزەكتى سەسسيانىڭ الدىنداعى تۇراقتى كوميسسيالاردىڭ بىرلەسكەن وتىرىسىندا اپاتتى جول قيىلىستارى, جول جامىلعىسىنىڭ بۇزىلۋى, كوشەلەردى جارىقتاندىرۋ سياقتى وزەكتى ماسەلەلەردى تالقىلادى. نەگىزىنەن العاندا, حالىق قالاۋلىلارى اتالعان ماسەلەلەردى تىكەلەي باقىلاۋعا الدى. بۇل تۋرالى استانا قالالىق ءماسليحاتىنىڭ حاتشىسى ەرلان كاناليموۆ ءمالىم ەتتى.
«ەلوردا تۇرعىنى رەتىندە پوليتسيا مەن اۋدان اكىمدىكتەرىنە جۇگىندىم. ماسەلەنىڭ ءتۇيىنى – قالا جولدارىندا اپاتتى جاعداي تۋعىزاتىن شۇڭقىرلاردىڭ كوپ بولۋى. ءارتۇرلى قۇرىلىس جۇمىستارى جول جامىلعىسىن ءجيى بۇزادى, اسفالت جابىندىسىن جوندەگەننەن كەيىن ولاردى ءتيىستى تۇردە باستاپقى كۇيىنە كەلتىرمەيدى. ال ەلوردا جولدارىنداعى مۇنداي جاعداي جىلدان جىلعا بايقالادى» دەيدى ول.
ءماسليحات حاتشىسى جەرگىلىكتى جانە اكىمشىلىك پوليتسياعا ءتارتىپ بۇزۋشىلارعا باقىلاۋدى كۇشەيتۋدى تاپسىرعانىن جەتكىزدى. «بۇل جولداردى لاستايتىن جۇك كولىگىن, اسىرەسە بەتون ارالاستىرعىشتاردى باقىلاۋعا دا قاتىستى. الەۋمەتتىك نىسانداردى بەينەباقىلاۋ جۇيەسىنە قوسۋ تۋرالى دا ءسوز بولدى. بالالاردىڭ قاۋىپسىزدىگىن قامتاماسىز ەتۋ ءۇشىن بارلىق بالاباقشالار, مەكتەپتەر, دەنساۋلىق ساقتاۋ مەكەمەلەرى جۇيەگە قوسىلۋى ءتيىس. حالىق قالاۋلىلارى كوشەلەردى جارىقتاندىرۋ, اپاتتى جول قيىلىستارى, تاعى باسقا ماسەلەلەردى ەرەكشە باقىلاۋعا الدى» دەدى ە.كاناليموۆ.
