جەلاياقتار جارىسى
![](https://astana-akshamy.kz/wp-content/uploads/2023/08/سپور-780x470.jpg)
Astana Run Challenge اتتى جۇگىرۋ جارىسىنىڭ ەكىنشى كەزەڭى ەلوردانىڭ ورتالىق ساياباعىندا جالعاستى.
سپورتتىق ءىس-شارانىڭ اشىلۋىنا استانا قالاسى اكىمىنىڭ ورىنباسارى ەرلان بەكمۇرزاەۆ, استانا قالاسى بويىنشا ترياتلون فەدەراتسياسىنىڭ پرەزيدەنتى ەۆگەني بولگەرت قاتىستى.
Astana Run Challenge ەكىنشى كەزەڭى اياسىندا قالالىق ترياتلون فەدەراتسياسى جانە Mega Kids بالالار ورتالىقتارى مەن بالاباقشالار جەلىسى بىرلەسىپ, ايتۋلى مەرەكە قارساڭىندا ءتۇرلى تۇسكە بويالعان بالالار جارىسىن وتكىزدى.
ۇيىمداستىرۋشىلاردىڭ ايتۋىنشا, جالپى قاشىقتىعى 500 مەتردى قۇراعان جارىسقا 14 جاسقا دەيىنگى 270-كە جۋىق ءجاسوسپىرىم قاتىستى. مارە سىزىعىن كەسىپ وتكەن ءار بۇلدىرشىنگە ارنايى مەدال, ال جەڭىمپازدارعا ەستەلىك سىيلىق تابىستالدى.
– مامىر ايىندا وتكەن ءبىرىنشى كەزەڭگە 300-دەن استام جەلاياق قاتىسسا, ەكىنشى كەزەڭدە 700 سپورتشى بەلسەندىلىك تانىتىپ, جۇگىردى. بۇل جارىستىڭ تانىمالدىلىعى ارتىپ, اۋقىمى كەڭەيىپ كەلەدى, – دەيدى ەۆگەني بولگەرت.
ءبىرىنشى كەزەڭدە جەلاياقتار بوتانيكالىق باقتا جۇگىرسە, ءۇشىنشى كەزەڭگە قاتىساتىن اتلەتتەر ترياتلون ساياباعىندا جالعاستىرادى.
اstana Run Challenge-ءدىڭ جەڭىمپازدارى جاس ەرەكشەلىگىنە قاراي 18-29, 30-39, 40-49, 50-59, 60+ انىقتالىپ, ارنايى سىيلىقپەن ماراپاتتالدى.