تۇركيانىڭ ەرزۋرۋم قالاسىندا XX قىسقى سۋردليمپيادا ويىندارىنىڭ بايراعى كوتەرىلىپ, وعان 36 ەلدەن 1000-عا جۋىق سپورتشى قاتىستى.
تۋرنير باعدارلاماسى بويىنشا تاۋ شاڭعىسى, سنوۋبورد, شاڭعى جارىسى, شاحمات, فۋتزال جانە كەرلينگتەن 34 مەدال ساراپقا سالىندى. كلاسسيكالىق شاحماتتان 12 ۇپاي جيناعان حورۆاتيا التىن مەدالعا يە بولسا, 11 ۇپاي جيناعان پولشاعا كۇمىس مەدال بۇيىردى. ال 10 ۇپاي جيناعان قازاقستان كومانداسى قولا مەدالدى قاناعات تۇتتى. ۇلتتىق قۇراما ساپىندا استانا قالاسىنىڭ سپورتشىسى ءارى كوماندا كاپيتانى سۇلتان قوجاحمەتوۆ ويناپ, كوماندالاستارىن العا جەتەلەدى.
– شاحماتتان جارىس تارتىستى ءوتتى. ءبىزدىڭ شاحماتشىلار يتاليا, گەرمانيا, سەربيا كومانداسىن جەڭىپ, ۋكراينا مەن پولشا كومانداسىمەن تەڭ وينادى. تەك حورۆاتيا شاحماتشىلارىمەن ويناعاندا ساتتىلىك جەتىسپەدى. ءسويتىپ, 13 كوماندا اراسىندا 3-ورىن الدىق. بايراقتى باسەكەدە ەل نامىسىن لايىقتى قورعادىق, – دەدى شاحماتتان اعا جاتتىقتىرۋشى ەلدوس كۇزەرباەۆ.
