ەلوردادا اۋلا كوماندالارى اراسىنداعى «دەنى ساۋدىڭ – جانى ساۋ» اتتى شاعىن فۋتبول ءتۋرنيرى مارەسىنە جەتتى. استانا قالاسى اكىمدىگىنىڭ قولداۋىمەن وتكەن جارىستى قالالىق پوليتسيا دەپارتامەنتىنىڭ ەسىرتكىگە قارسى ءىس-قيمىل باسقارماسى ۇيىمداستىردى. جارىسقا 25 اۋلا كومانداسى قاتىستى.
جاسوسپىرىمدەر اراسىنداعى فۋتبول ءتۋرنيرىنىڭ جەڭىمپازدارى مەن جۇلدەگەرلەرىن ماراپاتتاۋ راسىمىندە استانا قالاسى پد ەسىرتكىگە قارسى ءىس-قيمىل باسقارماسىنىڭ وكىلى عاليا قىمباتقىزى جارىسقا قاتىسۋشىلاردى جەڭىسىمەن قۇتتىقتاپ, دەنساۋلىقتىڭ جاقسى بولۋى, زياندى ادەتتەردەن اۋلاق بولۋدىڭ بىردەن-ءبىر جولى سپورتپەن اينالىسۋ ەكەنىن اتاپ ءوتتى.
استانا قالاسى قادىر مىرزا ءالى اتىنداعى №88 مەكتەپ-ليتسەيى دەنە شىنىقتىرۋ جانە العاشقى اسكەري دايىندىق ءپانىنىڭ مۇعالىمى قايرات قوشانوۆ جارىس جايلى پىكىرىن ايتتى.
«وسىنداي جارىستاردىڭ ءجيى وتكەنى جاسوسپىرىمدەردىڭ بوس ۋاقىتىن پايدالى ءارى ءتيىمدى وتكىزۋگە ىقپال ەتەدى. نەگىزى, چەمپيوندار وسىنداي اۋلا سپورتىنان شىعادى دەپ ويلايمىن. قازىرگى كەزدە ەسىرتكىگە قۇمارلىق دەگەن پروبلەمانىڭ بار ەكەنى جاسىرىن ەمەس. ال بۇگىنگى جارىستى ۇيىمداستىرۋشىلار ەسىرتكى قىلمىسىمەن كۇرەس جۇرگىزەتىن مەكەمە بولعاندىقتان, ولاردىڭ قوعامنىڭ كەسەلىمەن سپورت ارقىلى كۇرەس جۇرگىزىپ وتىرعانىنا العىسىمىزدى عانا ايتامىز. ال جارىس تۋرالى ايتسام, ءوزىم باستاپ كەلگەن مەكتەپتىڭ اۋلا كومانداسى ەرەسەك بالالار اراسىنداعى تۋرنيردە جەڭىمپاز اتاندى» دەيدى شاكىرتتەرىنىڭ جەڭىسىنە قۋانعان مۇعالىم.
«دەنى ساۋدىڭ – جانى ساۋ» فۋتبول ءتۋرنيرىنىڭ جەڭىمپازدارى مەن جۇلدەگەرلەرى: جاسوسپىرىمدەر اراسىندا 1-ورىن – №64 مەكتەپ-ليتسەيدىڭ اۋلا كومانداسى; 2-ورىن – №71 مەكتەپ-ليتسەيدىڭ اۋلا كومانداسى; 3-ورىن – №7 مەكتەپ-گيمنازيا جانە №74 مەكتەپ-گيمنازيانىڭ اۋلا كوماندالارى.
ال ەرەسەك ءجاسوسپىرىمدار اراسىنداعى جارىستا №88 مەكتەپ-ليتسەيدىڭ اۋلا كومانداسى توپ جاردى.
جۇلدەگەر اتانعان كوماندالارعا ديپلوم, مەدال جانە كۋبوك تابىس ەتىلدى. سونداي-اق بىرنەشە قاتىسۋشى ءتۇرلى نوميناتسيا بويىنشا ارنايى سىيلىقتارمەن ماراپاتتالدى.
