وتباسىلار جۇگىرىپ جارىستى
استانا قالاسى اكىمدىگىنىڭ قولداۋىمەن وتكەن وتباسى دۋاتلونىنا 60-تان اسا وتباسى قاتىستى. ترياتلون ساياباعىندا, قاتىسۋشىلاردان بولەك, جانكۇيەرلەر دە كوپ بولدى.
سايىستىڭ اشىلۋ سالتاناتىنا سپورت باسقارماسىنىڭ باسشىسى سامات جىلقىباەۆ قاتىسىپ, قاتىسۋشىلارعا ساتتىلىك تىلەدى. ال جارىستىڭ باس تورەشىسى داۋلەت حامزين جارىس ەرەجەسىمەن تانىستىردى. سونىمەن قاتار شارا اياسىندا ۆەلوسيپەدكە مىنگەن اتا-انالار مەن بالالار فيتنەس جاتتىقتىرۋشىلاردىڭ جەتەكشىلىگىمەن جاتتىعۋ جاساپ, جارىس الدىندا ءبىر شيراپ الدى.
ەڭسەرەتىن قاشىقتىقتىڭ جالپى ۇزىندىعى 4,4 شاقىرىمدى قۇرادى. جارىس ەكى سپورت تۇرىنەن ءۇش قاشىقتىقتا وتكىزىلدى.
بالالارى 8-9 جاس ارالىعىنداعى وتباسىلار اراسىندا ۆيشنەكوۆتەر بارىنەن وزسا, 10-11 جاس ارالىعىندا پونومارەۆتەر وتباسىنا تەڭ بولاتىندار تابىلمادى. ال 12-13 جاس ارالىعىندا تولتەباەۆتار وتباسى ءبىرىنشى ورىن الدى.
جەڭىمپازداردى ماراپاتتاۋ جانە قۇتتىقتاۋ سالتاناتى لوتەرەيا ۇتىسىمەن جالعاستى. ياعني جارىسقا قاتىسۋشىلار اراسىندا ويناتىلدى.