«بۇل سۋرەت 1972 جىلدىڭ قازان ايىندا تۇسىرىلگەن. كومسومول (قازىرگى جەلتوقسان) كوشەسىنىڭ بويىندا ورنالاسقان وبلىستىق ستاتيستيكا باسقارماسىنا (ەسەپ ورتالىعى) جاڭادان جۇمىسقا تۇرعان كەزىم.
جيىرما ءتورت جاستاعى جاس جىگىتپىن. كۇندە تاڭەرتەڭ مەكەمەگە جاياۋ كەلەمىن. ويتكەنى جۇمىس ورنىم كومسومول كوشەسىندەگى 28-ۇيدە بولسا, ءوزىم وسى كوشەدەگى 32-ۇيدە تۇراتىنمىن» دەپ ەسكە الادى قالا تۇرعىنى عابيت قاجەنوۆ.
ال وسى عيماراتتىڭ ارعى جاعىندا شەتى كورىنىپ تۇرعان وكتيابردىڭ 50 جىلدىعى اتىنداعى №2 مەكتەپ بولىپتى. مۇندا عابيتتىڭ ىنىلەرى مەن قارىنداسى وقىپتى.
قازىر تسەلينوگراد ەل استاناسىنا اينالىپ, ءوسىپ-وركەندەپ, كوركەيە ءتۇستى. الايدا بۇل عيماراتتار سول كۇيى تۇر. تەك ىشىندە باسقا مەكەمەلەر ورنالاسقان.
