قازاق كسر حالىق ءارتىسى, ءانشى سارا تىنىشتىقۇلوۆا تالدىقورعان وبلىسىنىڭ (قازىرگى جەتىسۋ وبلىسى) بورلىتوبە اۋىلىندا دۇنيەگە كەلگەن. ماسكەۋدەگى بۇكىلوداقتىق ەسترادا ستۋدياسىن ءبىتىردى. رەپەرتۋرارىندا كوبىنە قازاقتىڭ حالىق اندەرى ورىن الادى. اسىرەسە, ول «اۋىلىڭ سەنىڭ ىرگەلى», «اق داريعا» اندەرى مەن نۇرعيسا تىلەنديەۆتىڭ «الاتاۋ», ءشامشى قالداياقوۆتىڭ «شىنارىم», ەسكەندىر حاسانعاليەۆتىڭ «اڭساعانىم» اندەرىن ناقىشىنا كەلتىرە شىرقايدى.
سارا تىنىشتىقۇلوۆا 1968 جىلى 28 شىلدە مەن 6 تامىز ارالىعىندا بولگاريانىڭ استاناسى سوفيا قالاسىندا وتكەن جاستار مەن ستۋدەنتتەردىڭ ءىح بۇكىلالەمدىك فەستيۆالىندە جۇلدەلى ورىنعا يە بولىپ, ەسىمى ەلگە كەڭىنەن تارادى.
ءانشى قازاقستان ادەبيەتى مەن ونەرىنىڭ ارمەنيادا, رەسەيدە, كسرو مادەنيەتىنىڭ فينليانديادا, بەلگيادا وتكەن كۇندەرىنە قاتىستى.
1972 جىلى گاسترولدىك ساپارمەن تىڭ ولكەسىنە كەلىپ, كونتسەرت بەرىپ, انسۇيەر قاۋىمنىڭ ىستىق ىقىلاسىنا بولەندى.
سۋرەتتە ءانشىنىڭ كونتسەرتتەن كەيىن تسەلينوگراد قالاسىندا سەرۋەندەپ جۇرگەن ءساتى.
