الەم چەمپيوناتى – استانا
![](https://astana-akshamy.kz/wp-content/uploads/2023/08/دجيۋ-دجيتسۋ1-e1692213388596-780x470.jpg)
21-25 تامىز ارالىعىندا ەلوردا تۇرعىندارى مەن قوناقتارى دجيۋ-دجيتسۋدان جاستار مەن كادەتتەر (U14-U21) اراسىندا الەم چەمپيوناتىن تاماشالايتىن بولادى.
جاقسىلىق ۇشكەمپىروۆ اتىنداعى جەكپە-جەك سارايىندا وتەتىن تۋرنيردە 42 ەلدەن كەلگەن 1200-دەن استام سپورتشى باق سىنايدى. قازاقستان اتىنان 194 سپورتشى قاتىسادى.
اقش, قىتاي, گەرمانيا, پورتۋگاليا, فرانتسيا, يتاليا, گرەتسيا, ۆەنگريا, وڭتۇستىك كورەيا, نيدەرلاندى, موڭعوليا, سلوۆاكيا, شۆەتسيا, شۆەيتساريانىڭ ۇزدىك سپورتشىلارى جارىستىڭ كوركىن قىزدىرادى.
1996 جىلى 3-4 اقپاندا برازيليانىڭ ريو-دە-جانەيرو قالاسىندا العاش رەت الەم چەمپيوناتى ءوتتى. برازيليالىق سپورتشى ماركۋس ۆينيسيۋس 13 رەت الەم چەمپيونى بولدى. قازاق سپورتشىلارىنىڭ اراسىندا ايدار ماحمەتوۆ مما, دجيۋ-دجيتسۋ جانە كاراتە بويىنشا الەمنىڭ 5 دۇركىن چەمپيونى اتاندى. جەڭىس نۇرلىباەۆ دجيۋ-دجيتسۋدەن وتكەن الەم چەمپيوناتىندا ەكى رەت دارالاندى.
2018 جىلى يندونەزيادا وتكەن XVIII ازيا ويىندارىنىڭ باعدارلاماسىنا ەندى. بۇگىندە ەلدىڭ ءار وڭىرىندە دجيۋ-دجيتسۋ بۇقارالىق سپورت رەتىندە دامۋدا. استاناداعى الەم چەمپيوناتى – جاس سپورتشىلاردىڭ ءوز-ءوزىن دالەلدەۋگە ۇلكەن مۇمكىندىك.