مالايزيا پاۆيلونى EXPO كورمەسىندەگى اتقارىلعان جۇمىستىڭ ناتيجەلەرىن بيزنەس-فورۋمدا قورىتىندىلادى. وعان ەلدىڭ ەنەرگەتيكا, جاسىل تەحنولوگيالار جانە سۋ رەسۋرستارى ءمينيسترى ماكسيمۋس ونگكيلي قاتىستى.
مالايزيا وسى ۋاقىت ارالىعىندا قازاقستاندىق كومپانيالارمەن 14 مەموراندۋمعا قوي قويدى. كەلىسسوزدەردىڭ الەۋەتتى ەكونوميكالىق پايداسى 1,173 ملرد دوللار كولەمىندە باعالانادى. ەكسپو كورمەسى اياسىندا قول قويىلعان مەموراندۋمداردى ىسكە اسىرۋ ءۇشىن قازاقستانمەن ودان ءارى قارىم-قاتىناستار جالعاسادى.
ءمينيستردىڭ ايتۋىنشا, ەل يسلامدىق قارجىلاندىرۋ نەگىزىنە سۇيەنە وتىرىپ, «جاسىل» ەنەرگەتيكانى قارجىلاندىرۋعا جاڭا شەشىم تابۋعا ۇمتىلادى. مالايزيا 2050 جىلعا قاراي بالامالى ەنەرگيا كوزدەرىنەن وندىرىلگەن ەنەرگيانى 50 پايىزعا ارتتىرۋ ءۇشىن قازاقستاندىق ارىپتەستەرمەن جۇمىس جاساۋعا نيەتتى. سوندىقتان ەل ۇكىمەتى 2016-2025 جىلدارعا ارنالعان ەنەرگوتيىمدىلىك سالاسىنداعى ۇلتتىق ءىس-ارەكەت جوسپارىن قابىلدادى.
كەزدەسۋ سوڭىندا ماكسيمۋس ونگكيلي مالايزيا پاۆيلونىنىڭ جەتىستىكتەرىمەن ءبولىستى. مينيستر كورمە بارىسىندا پاۆيلوندى 600 مىڭنان استام ادام تاماشالاعانىن اتاپ ءوتتى.
