12 قىركۇيەكتەن 12 قازانعا دەيىن ەلوردا اۋماعىن سانيتارلىق تازارتۋ, اباتتاندىرۋ مەن كوگالداندىرۋ بويىنشا كۇزگى ەكولوگيالىق ايلىق وتكىزىلەدى. 24 قىركۇيەكتە «استانا – تازا قالا!» جالپىقالالىق سەنبىلىگى ۇيىمداستىرىلادى.
جالپىقالالىق سەنبىلىك كەزىندە 7000 اعاش وتىرعىزۋ جوسپارلانىپ وتىر. كوشەلەر, تروتۋارلار مەن ورامىشىلىك اۋماقتار تازارتىلادى, اعاشتار وتىرعىزىلىپ, نوسەر مەن ارىق كارىز جۇيەلەرى تازالانادى.
سونداي-اق. ساياباقتار مەن گۇلباقتاردا جاسىل كوشەتتەردى كۇتۋ بويىنشا ماۋسىمدىق اگروتەحنيكالىق جۇمىستار جۇرگىزىلەدى, گۇلزارلار اباتتاندىرىلادى.24 قىركۇيەك كۇنى وتەتىن جالپىقالالىق سەنبىلىككە 89 مىڭنان استام ادام شىعادى دەپ جوبالانۋدا. ونىڭ ىشىندە قالالىق كاسىپورىندار مەن ۇيىمدار, مەديتسينا جانە ءبىلىم مەكەمەلەرى بار.
بۇل شارا ەلوردانىڭ تازالىعىن ساقتاپ, باس شاھاردى ودان ءارى كورىكتى ءارى جۇرتشىلىقتقا قولايلى, جايلى ەتۋ ماقساتىندا وتكىزىلپ وتىر. وعان كۇللى قالا تۇرعىندارى بەلسەنە اتسالىساتىنىنا سەنەمىز!
جالپىقالالىق سەنبىلىك اياسىندا ەسىل, اقبۇلاق جانە سارىبۇلاق ارنالارىن قوقىستان جانە تۇرمىستىق قالدىقتاردان تازارتۋ ماقساتىندا «تازا وزەندەر!» ەكولوگيالىق شاراسى وتەدى.
سەنبىلىككە 89 مىڭنان استام ادام شىعادى دەپ كۇتىلىپ وتىر. سونىڭ ىشىندە 4000 كاسىپورىن مەن ۇيىم, 45 جوعارى جانە ارناۋلى وقۋ ورنى, 133 مەكتەپ جانە بالاباقشا, 73 مەديتسينا ۇيىمى, 133 مەملەكەتتىك مەكەمە, ۆەدومستۆولار مەن ۇلتتىق كومپانيا قاتىسپاق. ال ەلوردانى تازالاۋعا جۇمىلدىرىلاتىن تەحنيكانىڭ ۇزىن-ىرعاسى – 429.
استاناعا جاڭادان وتىرعىزىلاتىن جاسىل جەلەك الماتى اۋدانىندا قر ۇلتتىق مۋزەيى اۋماعىنا, ەسىل اۋدانىندا – «حان شاتىر» سوو اينالاسىنا, سونداي-اق, ەڭبەكشىلەر كوشەسىنەن «تەلمان» تۇرعىن الابىنا دەيىن, سارىارقا اۋدانىندا – سارىبۇلاق وزەنىن جاعالاي ەگىلەدى.
ەكولوگيالىق ايلىق كەزىندە اپتا سايىن «كوشە كوركى – استانا كوركى», «قورشاعان ورتانى ايالايىق!», «استانا – اسەم قالا!» ۇراندارىمەن وندىرىستىك كاسىپورىنداردىڭ جانە باسقا دا ۇيىمدار قىزمەتكەرلەرىنىڭ قاتىسۋىمەن سەنبىلىكتەر ۇيىمداستىرۋ بويىنشا شارالار وتەدى.
كوشەڭ تازا بولسا, كوڭىلىڭ تازا. ەلوردادا جىل سايىن سەنبىلىك وتكىزۋ ءداستۇرى قالىپتاسقالى قاشان. كەيىنگى جىلدارى وعان قاتىسۋشىلاردىڭ سانى ارتقانى قۋانتادى.
استانا – ءبارىمىزدىڭ ورتاق شاھارىمىز. ونىڭ ايناداي تازا ءارى اسەم بولۋىنا ءبارىمىز دە مۇددەلىمىز. دەمەك, قالا تۇرعىندارى سەنبىلىككە بەلسەنە اتسالىساتىنىنا كۇمانىمىز جوق.
