نيۋ-يورك قالاسىنداعى سيراكۋز ونەر ۋنيۆەرسيتەتىنىڭ بازاسىندا ءبىر ءوزى قىرىق ءتۇرلى جەمىس بەرەتىن عاجايىپ اعاش ءوسىپ تۇر.
عاجايىپ اعاش اتالمىش وقۋ ورنىنىڭ وقىتۋشىسى سەم ۆان اكەن اتتى تالانتتى سەلەكتسيونەردىڭ ۇزاق جىلدار بويعى ەڭبەگىنىڭ جەمىسى ەكەن. ول 2008 جىلى كادىمگى اعاشقا ءارتۇرلى جەمىستى اعاشتىڭ بۇتاقتارىن تەلىپ بۋدانداستىرىپ باستايدى. ۇزاماي تاجىريبەسى ءساتتى بولىپ, بۇتاقتار گۇلدەپ جەمىس بەرەدى. وسىدان كەيىن جىل سايىن اعاشتىڭ تۋىستىق قاسيەتىنە قاراي سۇرىپتاپ الىپ, جەمىس تۇرلەرىن تەلىپ وتىرعان. بۇگىندە ولاردىڭ سانى قىرىققا جەتتى.
كوپ تەكتى اعاشتا ورىك, شابدالى, الحورى, شيە, بادام, الما جانە المۇرتتىڭ بىرنەشە ءتۇرى ءوسىپ تۇر. ءار جەمىستىڭ پىسەتىن مەزگىلى ءارتۇرلى بولعاندىقتان, بۇل اعاشتى جىل ون ەكى بويى ءونىم بەرەتىن فابريكا دەۋگە دە بولادى. جىل بويى اعاشتىڭ بويىندا اق-قىزىل تۇسكە بويالعان ءتۇرلى گۇلدەر ءوسىپ تۇرادى.
سەم بۇگىنگە دەيىن وسىنداي 16 گيبريد اعاش بۋدانداستىرعان ەكەن. ولاردى نيۋ-يورك ساياباعىنان, مۇراجايلاردان جانە دە الەمنىڭ تۇكپىر-تۇكپىرىندەگى ساۋدا ورتالىقتارىنان كورۋگە بولادى.
بۇركىت نۇراسىل
