نۇر-Cۇلتان قالاسىنىڭ اكىمى التاي كولگىنوۆ قالا تۇرعىندارىنىڭ ازاماتتاردى قابىلداۋ كەزىندە قانداي سۇراقتار قوياتىنىن ايتىپ بەردى.
«بيىل ارىپتەستەرىمىزبەن بىرگە 5 مىڭ قالا تۇرعىنىن قابىلدادىق. سۇراقتاردىڭ ءبىر بولىگىن قابىلداۋ بارىسىندا شەشسەك, قالعاندارىن نازارىمىزعا الامىز. سارسەنبى كۇنى ونلاين-قابىلداۋدا تاعى 14 وتباسى قابىلداندى. پروبلەمالاردى شەشۋگە جۇيەلى نەگىزدە قارايمىز. كەلىپ تۇسكەن ماسەلەلەردى, قالا تۇرعىندارىنىڭ ۇسىنىستارىن ەسكەرە وتىرىپ, ەلوردانى دامىتۋ جوسپارىنا ەنگىزەمىز. ماسەلەن, نەگىزىنەن, الەۋمەتتىك تۇرعىن ءۇي, مەكتەپتەر, مەديتسينالىق ورتالىقتار سالۋ, اۋدانداردى اباتتاندىرۋ, گازداندىرۋ, ۇزاق قۇرىلىستاردى اياقتاۋ جانە ت.ب. ماسەلەلەر تۇسەدى.
پرەزيدەنتتىڭ تاپسىرماسى بويىنشا الەۋمەتتىك نىساندار قۇرىلىسىنىڭ كولەمىن جىل سايىن ارتتىرۋ بويىنشا جۇمىس جۇرگىزىپ جاتىرمىز. ماسەلەن, بيىل 10 مىڭ الەۋمەتتىك پاتەر, 40 مىڭ وقۋشى ورنىنا ارنالعان 15 مەكتەپ, 200 اۋلا جانە قوعامدىق كەڭىستىكتەر (ساياباقتار, گۇلزارلار, جەلەكجولدار) سالىندى, «ءۇي ماڭىنداعى دارىگەر» نىساندارىن, دەنە شىنىقتىرۋ-ساۋىقتىرۋ كەشەندەرىن اشتىق, 9 ەلدى مەكەندە گاز تاراتۋ جەلىلەرى سالىنىپ, ىسكە قوسىلدى, قۇرىلىسى ۇزاققا سوزىلعان 57 ءۇي اياقتالماق جانە ت.ب.
سونداي-اق مەملەكەت باسشىسىنىڭ «حالىق ۇنىنە قۇلاق اساتىن مەملەكەت» تۇجىرىمداماسى اياسىندا ءوزارا بايلانىستى نىعايتۋعا الەۋمەتتىك ورتالىقتار كومەكتەسەدى. ولاردىڭ قاتارىندا «جانۇيا» وتباسى ينستيتۋتىن قولداۋ ورتالىعى, تۇرعىن ءۇي سالاسىندا قىزمەت كورسەتەتىن بىرىڭعاي ورتالىق, iQala ورتالىعى, جاستارعا قىزمەت كورسەتۋ ورتالىعى بار. جالپى العاندا, تەك بيىلدىڭ وزىندە اتالعان ورتالىقتار قالا تۇرعىندارى تاراپىنان تۇسكەن 150 مىڭعا جۋىق ءوتىنىشتى وڭدەدى.
ەلوردانى «نۇر-سۇلتان – جايلى قالا» ماستەر-جوسپارى اياسىندا دامىتىپ جاتىرمىز, وعان سايكەس اۋدانداردى ورتالىقتاندىرىپ دامىتۋدامىز. بۇل – الەۋمەتتىك نىساندار, اۋلالار/قوعامدىق كەڭىستىكتەر جانە ت.ب. قادامدىق قولجەتىمدىلىكتە ورنالاسۋى» دەپ جازدى ەلوردا اكىمى ءوزىنىڭ Instagram پاراقشاسىندا.
