«قازاقستان» سپورت كەشەنى اۋماعىندا تۇركىستان وبلىسىنىڭ كەزەكتى اۋىل شارۋاشىلىق جارمەڭكەسى ءوتتى.
ەلوردادا وسىمەن ءۇشىنشى رەت ۇيىمداستىرىلعان جارمەڭكەدە تۇركىستاندىق وندىرۋشىلەر 101 ملن تەڭگە بولاتىن 411 توننا اۋىلشارۋاشىلىعى ونىمدەرىن اكەلدى. ونىڭ ىشىندە 66 توننا ەت جانە ەت ونىمدەرى, 137 توننا كوكونىس, 27 توننا ءسۇت ونىمدەرى, 39 توننا جەمىس-جيدەك, 5 توننا بالىق جانە باسقا دا 35-تەن اسا اۋىل شارۋاشىلىعى ونىمدەرى بار.
– استانا قالاسىنىڭ 20 جىلدىق مەرەيتويى اياسىندا ەلوردادا تۇركىستان وبلىسىنىڭ 5 جارمەڭكەسىن وتكىزۋ جوسپارلانعان. سەبەبى ءبىزدىڭ وبلىس باسقا وڭىرلەرگە قاراعاندا, اۋىل شارۋاشىلىعىن دامىتۋعا اسا قولايلى. مىسالى, ماقتا شارۋاشىلىعى 100 پايىز تۇركىستان وبلىسىندا جۇرگىزىلەدى. ال ءجۇزىم شارۋاشىلىعىنان وبلىستىڭ ۇلەسى – 72 پايىز بولسا, باۋ-باقشا جاعىنان 60 پايىز. سونىمەن قاتار 1325 گەكتار بولاتىن جىلىجايلارىمىز رەسپۋبليكا جىلىجايلارىنىڭ 80 پايىزىن قۇرايدى, – دەيدى تۇركىستان وبلىسى اۋىل شارۋاشىلىعى باسقارماسى باسشىسىنىڭ ورىنباسارى نۇرجىگىت مىرزاحمەتوۆ.
تۇركىستان وبلىسىنىڭ سايرام اۋدانى ءوزىنىڭ كوكونىس جانە كارتوپ ونىمدەرىمەن تانىمال. اتالمىش اۋداندا قايتا وڭدەۋ سالاسى دا جاقسى دامىعان.
– استاناعا قايتا وڭدەلگەن ىرىمشىك, قايماق, شۇجىق سياقتى ءسۇت پەن ەت ونىمدەرىن اكەلىپ وتىرمىز. جەرگىلىكتى تاۋار وندىرۋشىلەرىنىڭ استاناعا جەتۋى ءۇشىن اۆتوكولىكتەرمەن قامتاماسىز ەتتىك. سوندىقتان تاۋار وندىرۋشىلەر ارتىق شىعىندالمايدى. ارادا دەلدال جوق. سايكەسىنشە بارلىق ونىمدەرىمىز ءتيىمدى باعاعا ساتىلۋدا, – دەيدى تۇركىستان وبلىسى سايرام اۋداندىق اۋىل شارۋاشىلىق ءبولىمىنىڭ باسشىسى نۇرپاپا كوپەەۆ.
