ەلورداداعى از قامتىلعان وتباسىلار مەن جۇمىس ىستەيتىن جاستار ءۇشىن سالىنىپ جاتقان ۇيلەرگە قاتىستى مەملەكەت باسشىسىنىڭ تاپسىرمالارى قالاي ورىندالىپ جاتىر؟
ەلوردا اكىمى التاي كولگىنوۆ ەلباسى جاريالاعان جاستار جىلىندا جۇمىس ىستەيتىن جاستارعا, كوپبالالى, از قامتىلعان وتباسىلارعا جانە اپاتتى ۇيلەردىڭ تۇرعىندارىنا سالىنىپ جاتقان كوپقاباتتى تۇرعىن ءۇي كەشەنىنە باردى. مەملەكەت باسشىسى قاسىم-جومارت توقاەۆ ەلوردانى ودان ءارى دامىتۋ جونىندەگى كەڭەستە تۇرعىن ءۇيدى ىسكە قوسۋ قارقىنىن جانە قۇرىلىس جۇمىستارىنىڭ كولەمىن ارتتىرۋ قاجەتتىگىنە نازار اۋدارعانى بەلگىلى. پرەزيدەنتتىڭ مەكەمەلەردىڭ «قادامدىق قولجەتىمدىلىك» تۋرالى تاپسىرماسىن ىسكە اسىرۋ اياسىندا تۇرعىن ءۇي كەشەنىنىڭ ءبىرىنشى قاباتىندا ەرەكشە قاجەتتىلىكتەرى بار بالالارعا ارنالعان وڭالتۋ ورتالىعى, اۋدانداعى بارلىق تۇرعىنداردىڭ قاجەتتىلىگىن وتەيتىن ەمحانا بولادى. ال ەكىنشى قاباتتا – بالالارعا ارنالعان شاعىن ورتالىق جانە قاۋىپسىزدىكتى قامتاماسىز ەتۋ ءۇشىن پوليتسيا بەكەتى ورنالاسادى. سالىنعان ءۇي-جايلارى مەن ەكى دەڭگەيلى پاركينگى بار تۇرعىن ءۇي كەشەنى
ءا. جانگەلدين, س. راحيموۆ, ش. ءۋاليحانوۆ كوشەلەرىنىڭ قيىلىسىندا (ەسكى بازار ورنى) ورنالاسقان. مۇندا 1472 پاتەر بولادى.
تۇرعىن ءۇي كەشەنى وسى جىلدىڭ سوڭىنا دەيىن پايدالانۋعا بەرىلەدى. قالا اكىمى مەملەكەت باسشىسىنىڭ تاپسىرماسى بويىنشا بالالاردىڭ تەرەزەدەن قۇلاۋىن بولدىرماۋ ءۇشىن قۇرىلىس نورمالارىندا قاۋىپسىزدىكتىڭ ناقتى پارامەترلەرىن كۇشەيتۋ قاجەتتىگىن اتاپ ءوتتى. سونداي-اق ءۇيدى ينجەنەرلىك جەلىلەرگە ۋاقىتىندا قوسىپ, اۋلا اۋماقتارىن اباتتاندىرۋدى اياقتاۋدى تاپسىردى.
