ەلوردا اكىمى التاي كولگىنوۆ 19 جاستاعى ديلناس شارىپباەۆامەن كەزدەستى.
اناسى مەن ۇلكەن اعاسى قايتىس بولعاننان كەيىن 12, 14 جانە 16 جاستاعى كامەلەتكە تولماعان ءسىڭىلىسى مەن باۋىرلارىن ديلناستىڭ ءوزى باعىپ كەلەدى.
اكىمدىك ديلناس پەن ونىڭ سىڭلىلەرىنىڭ كوللەدجدەگى وقۋ اقىسىن تولەۋ ماسەلەسىن شەشىپ بەرەدى. ال ونىڭ باۋىرلارىنا جاپپاي وقىتۋ قورى اياسىندا كومەك كورسەتىلەدى. وقۋ قۇرالدارىن ساتىپ الۋعا سەرتيفيكاتتار, قاشىقتان وقۋ ءۇشىن كومپيۋتەرلەر مەن روۋتەرلەر بەرىلەدى.
سونىمەن بىرگە اكىمدىك ولاردى ۋاقىتشا باسپانامەن قامتاماسىز ەتەدى. ديلناس شارىپباەۆا تۇراقتى جۇمىسقا ورنالاسادى. اكىمدىك بۇل وتباسىنىڭ بالالارىنا الداعى ۋاقىتتا تۇراقتى نەگىزدە كومەك كورسەتەتىن بولدى.
