ايلىق اياسىندا ايتۆ جۇقپاسىنىڭ الدىن الۋ بويىنشا قايىرىمدىلىق اكتسيا ۇيىمداستىرىلدى
دۇنيەجۇزىلىك جيتس-قا قارسى كامپانيا اياسىندا, قىزىل اي قوعامىنىڭ قالالىق كوميتەتىنىڭ استانالىق بولىمشەسىنىڭ قولداۋىمەن, استانا قالاسىنىڭ جيتس-تىڭ الدىن الۋ جانە وعان قارسى كۇرەس ورتالىعىندا قايىرىمدىلىق اكتسياسى ءوتتى. قايىرىمدىلىق اكتسيا جىل سايىن قاق قكاب-نان ايتۆ جۇقپاسىمەن ءومىر سۇرەتىندەرگە الەۋمەتتىك قولداۋ ماقساتىندا مەيىرىمدى داستۇرگە اينالدى. 31 وتباسى كەڭ اسسورتيمەنتتەگى ءونىم – تۇرمىستىق جيىنتىقتاعى ونىمدەر مەن شارۋاشىلىق – تۇرمىستىق تاۋارلار بەرىلدى.
جيتس ورتالىعىندا ايتۆ جۇقپاسىمەن ەسەپتە 690 ادام تۇر, ونىڭ 40%-دا تۇراقتى جۇمىسى جوق. ورتالىقتىڭ ناۋقاستارىنا جەرگىلىكتى اتقارۋشى ورگاندار تاراپىنان قولداۋ كورسەتىلەتىنىن ايتا كەتۋ كەرەك. سونداي-اق, توقسانىنا 1 رەت اقشالاي جاردەماقى تولەنەتىنى قاراستىرىلعان.
قالالىق جيتس ورتالىعى جانە قاق قكاب, ايتۆ جۇقپاسىمەن ءومىر سۇرەتىندەرگە الەۋمەتتىك كومەك كورسەتىپ جانە ولاردىڭ مۇددەلەرىن قورعاۋعا باعىتتالعان جۇمىستى جۇرگىزۋگە نيەتتى.