2018-2022 وقۋ جىلدارىنىڭ كۇندىزگى وقۋ بولىمىنە اكىمنىڭ 1000 گرانتى ءبولىندى.
كونكۋرستىق كوميسسيا جۇمىسىنىڭ قورىتىندىسىنا سايكەس, 12 جوعارى وقۋ ورنىنىڭ ءتىزىمى شىقتى. وندا جوعارى جانە جوعارى وقۋ ورنىنان كەيىنگى ءبىلىمى بار مامانداردى دايىنداۋعا مەملەكەتتىك ءبىلىم تاپسىرىستارى ورنالاستىرىلادى.
ءبىلىم بەرۋ گرانتىن بەرۋگە ارنالعان كونكۋرسقا قاتىسۋ ءۇشىن ازامات جوو-نىڭ قابىلداۋ كوميسسياسىنا بەلگىلەنگەن ۇلگىدەگى بلانكىدە ءوتىنىشتى, ءبىلىمى تۋرالى قۇجاتتى (تۇپنۇسقا), ۇبت نەمەسە كت سەرتيفيكاتىن, 3×4 كولەمىندەگى ەكى فوتوسۋرەتتى, 086-ۋ نىسانى بويىنشا مەديتسينالىق انىقتامانى, سونداي-اق جەكە باسىن كۋالاندىراتىن قۇجاتتىڭ كوشىرمەسىن تاپسىرۋى كەرەك. قۇجاتتار تامىزدىڭ 11-ىنەن 15-ىنە دەيىن قابىلدانادى.
وتىنىشتەردى قاراستىرعان سوڭ, گرانت يەگەرلەرىنىڭ ءتىزىمى استانا قالاسى اكىمدىگىنىڭ رەسمي ينتەرنەت-رەسۋرسىندا جاريالانادى.
قوسىمشا مالىمەتتەردى الۋ ءۇشىن مىنا تەلەفوندارعا حابارلاسۋعا بولادى: 55-68-57, 55-68-55, 55-68-53, 55-68-73.
