ەلوردا مەكتەپتەرىنىڭ بيىلعى تۇلەكتەرى اراسىندا استانا قالاسى اكىمىنىڭ ءبىلىم گرانتىنا ءوتىنىش قابىلداۋ جالعاسۋدا.
بۇل گرانت جەتىمدەرگە, مۇگەدەكتەرگە, بالالار ۇيلەرىنىڭ تاربيەلەنۋشىلەرىنە, كوپ بالالى وتباسىلاردان شىققان جانە اتا-اناسىنىڭ قامقورلىعىنسىز قالعان بالالارعا بەرىلەدى.
2018-2019 وقۋ جىلىنا 19 ماماندىق بويىنشا 102 گرانت ءبولىنىپ وتىر. تەحنيكالىق, ينجەنەرلىك, مەديتسينالىق جانە پەداگوگيكالىق ماماندىقتارعا باسىمدىق بەرىلگەن. اكىم گرانتىنا يە بولعاندار قالامىزدىڭ جوعارى وقۋ ورىندارىندا تەگىن ءبىلىم الادى. ونىڭ قارجىسى جەرگىلىكتى بيۋدجەتتىڭ ەسەبىنەن تولەنەدى. بۇل باعدارلاماعا قاتىسۋ ءۇشىن استانا قالاسى جۇمىسپەن قامتۋ جانە الەۋمەتتىك قورعاۋ باسقارماسىمەن بايلانىسۋعا بولادى. انىقتاما ءۇشىن: 55-68-45, 55-68-40 (سارىارقا جانە بايقوڭىر اۋداندارى تۇرعىندارى ءۇشىن), 55-68-34 (ەسىل اۋدانى).
