ەلوردا باسشىسى اسەت يسەكەشەۆ «جاعالاۋ» اۋدانىن ارالاپ, جاڭادان سالىنعان اقاۋى بار ۇيلەردىڭ تۇرعىندارىمەن كەزدەستى. بەلگىلى بولعانىنداي, كەيبىر جاڭا تۇرعىن ۇيلەردە جەلدەتكىش جۇيەسى جۇمىس ىستەمەيدى, جىلۋ مەن ەلەكتر جارىعى ءجيى ءوشىپ قالادى ەكەن.
كەزدەسۋدىڭ ناتيجەسىندە وتكەن ماجىلىستە اسەت يسەكەشەۆ قالا باسشىسىنىڭ ءبىرىنشى ورىنباسارى سەرگەي حوروشۋنعا ە-16 كوشەسىندەگى, ش.ايتماتوۆ كوشەسىندەگى №31 ءۇيدىڭ جانىنداعى, ە-15 كوشەسىندەگى جاياۋ جۇرگىنشىلەردىڭ ءجۇرىسىن رەتتەيتىن باعدارشام ورناتۋدى تاپسىردى. بۇعان قوسا, اۋدان تۇرعىندارى كاناليزاتسيالىق جەلىلەردىڭ بىتەلىپ قالاتىنىنا شاعىمداندى. اكىمنىڭ تاپسىرماسى بويىنشا, ش.ايتماتوۆ كوشەسىندەگى كاناليزاتسيالىق ناسوس ستانتسيالارى «استانا سۋ ارناسى» مقك-نىڭ كوممۋنالدىق مەنشىگىنە بەرىلەتىن بولدى. قىسقا مەرزىمدە ش.ايتماتوۆ كوشەسىنىڭ ورىنبور كوشەسىنەن ە-16 كوشەسىنە دەيىنگى ءبولىگىندەگى, سونداي-اق, ە-16 كوشەسى بويىنشا كوشەدەگى جارىقتاردى ورناتۋ جانە تروتۋارلار سالۋ جۇمىستارىن جەدەلدەتىپ اياقتاۋ تاپسىرىلدى.
اسەت يسەكەشەۆ سەرگەي حوروشۋنعا ءاربىر پاتەردەگى جىلۋدى تەكسەرىپ, اتالعان پروبلەمانى شەشۋ ءۇشىن ارنايى كوميسسيا قۇرۋعا تاپسىرما بەردى.
ايگۇل ۋايسوۆا
