مادەنيەت
اكتەرلەر كۇرەسەدى
![](https://astana-akshamy.kz/wp-content/uploads/2023/03/5knmwqs85dafpw15zj3bkllnazwhv0ro3fbqfqgq-780x470.jpg)
استاناداعى جاقسىلىق ۇشكەمپىروۆ اتىنداعى جەكپە-جەك سارايىندا قازاق كۇرەسىنەن تەاترلار اراسىندا «تەاتر بارىسى» رەسپۋبليكالىق ءتۋرنيرى وتەدى.
28 ناۋرىز ساعات 16:00-دە بولاتىن ءتۋرنيردىڭ باستى ماقساتى – ەلىمىزدىڭ تەاترلارىندا ۇلتتىق سپورتتى دامىتىپ, قازاق كۇرەسىن كەڭىنەن دارىپتەۋ, سونداي-اق قازاقستاننىڭ تەاتر كەڭىستىگىندەگى اكتەرلەردىڭ ونەر مەن سپورتتاعى شىعارماشىلىق ءارى ارىپتەستىك بايلانىسىن نىعايتۋ.
جارىسقا ەلىمىزدىڭ 17 وبلىسىنداعى تەاتر جانە كينو اكتەرلەرىمەن قوسا جالپى ەسەپتە 48 اكتەر قاتىسادى. جوبا اۆتورى – دارىن مەملەكەتتىك جاستار سىيلىعىنىڭ, «ەرەن ەڭبەگى ءۇشىن» مەدالىنىڭ يەگەرى, تەاتر جانە كينو اكتەرى, ءۇش دۇركىن «ونەر بارىسى», مۋزىكالىق جاس كورەرمەن تەاترىنىڭ اكتەرى اسىلحان تولەپوۆ.