ەلوردادا Astana Art Show فەستيۆالى اياسىندا Racing the Galaxy اتتى حالىقارالىق زاماناۋي ونەر كورمەسى اشىلدى. كورمەنىڭ اشىلۋىنا قالا اكىمىنىڭ ورىنباسارى ەرلان كاناليموۆ قاتىسىپ, جينالعانداردى استانا كۇنىمەن قۇتتىقتادى.
– بۇگىندە ەلوردامىز داۋلەتى تاسىپ, ساۋلەتى اسقان الەمدەگى سۇلۋ شاھارلاردىڭ بىرىنە اينالدى. ەلباسىنىڭ ستراتەگيالىق كوشباسشىلىعىمەن قازاقستان قارقىندى الەۋمەتتىك-ەكونوميكالىق دامۋ جولىنا ءتۇستى. باس قالانى ەل دامۋى مەن گۇلدەنۋىنىڭ بەلگىسى دەپ ايتۋعا بولادى, – دەدى ول.
ايتۋلى شاراعا الەمنىڭ 15 ەلىنەن 20 قىلقالام شەبەرى كەلدى. كورمەگە يتاليا, ارگەنتينا, تۇركيا جانە وتاندىق سۋرەتشىلەردىڭ تۋىندىلارى قويىلدى. سونداي-اق فەستيۆال اياسىندا كاسىبي قىلقالام شەبەرلەرىنىڭ شەبەرلىك ءدارىسى ءوتتى.
