قر تۇڭعىش پرەزيدەنتىنىڭ كۇنىنە وراي استانادا جەرگىلىكتى بيۋدجەت ەسەبىنەن تۇرمىسى تومەن 200 وتباسىعا ازىق-تۇلىكتەر تۇرىندە الەۋمەتتىك كومەك كورسەتىلەدى.
ازىق-تۇلىك جيىنتىعىنا 25 كگ ماكارون ءونىمى, 25 كگ كۇرىش, 5 كگ قانت, 5 ليتر سۇيىق ماي كىرەدى. ازىق-تۇلىكتەردى مەكەنجايلار بويىنشا جەتكىزۋدى جابدىقتاۋشى جۇمىسپەن قامتۋ جانە الەۋمەتتىك قورعاۋ باسقارماسىمەن بىرلەسىپ قامتاماسىز ەتەدى. بۇدان بولەك, ۇلى وتان سوعىسىنا قاتىسۋشىلار مەن مۇگەدەكتەرى 20 مىڭ تەڭگە كولەمىندە الەۋمەتتىك كومەك السا, ۇلى وتان سوعىسىنا قاتىسۋشىلارعا تەڭەستىرىلگەندەرگە جانە مۇگەدەكتەرگە, تىل قىزمەتكەرلەرىنە, قازا بولعان اسكەري قىزمەتشىلەردىڭ وتباسى مۇشەلەرىنە 10 مىڭ تەڭگەدەن بەرىلەدى. قالادا اتالعان الەۋمەتتىك كومەكپەن 7 مىڭنان استام ادام قامتىلادى. اكتسيا 28-30 قاراشادا وتەدى.
