«جانۇيا» وتباسى ينستيتۋتىن قولداۋ ورتالىعىندا الەۋمەتتىك قورعاۋ جۇيەسى قىزمەتكەرلەرىنىڭ كۇنىنە ارنالعان مەرەكەلىك شارا ءوتتى.
ورتالىقتىڭ اشىلعانىنا ءبىر-ەكى ايدىڭ عانا ءجۇزى بولسا دا, وسى از ۋاقىتتىڭ ىشىندە يگىلىكتى ىستەردىڭ ورداسىنا اينالىپ, كوپشىلىكتىڭ كوڭىلىنەن شىعا ءبىلدى. بۇل سالتاناتتى قالا اكىمىنىڭ ورىنباسارى باقتيار ماكەن اشتى.
– الەۋمەتتىك قىزمەت كورسەتۋ سالاسىنىڭ ماماندارى ەڭ قايىرىمدى, ەڭبەكتەرى ابىرويلى. سىزدەردىڭ جۇمىستارىڭىز كوزگە كورىنە بەرمەيدى, بىراق قوعام ءۇشىن اسا ماڭىزدى. ەلباسىمىز ن.نازارباەۆ: «قازاقتا اتا-اناسىن قارتتار ۇيىنە تاپسىرماعان, جەتىمىن جىلاتپاعان. ول ءبىزدىڭ داستۇرىمىزگە جات» دەپ ەدى ءبىر سوزىندە. سىزدەردىڭ الدارىڭىزعا تالاي مۇقتاج جاندار كەلەدى, تالاي تاعدىرلارعا كۋاسىزدەر, سول جانى جۇدەپ جۇرگەن ادامدارعا قامقور بولىپ, «جوعىن» تاۋىپ بەرىپ جۇرگەندەرىڭىز – زور ادامگەرشىلىكتىڭ بەلگىسى, – دەپ باقتيار ماكەن قالا اكىمىنىڭ قۇتتىقتاۋىن جەتكىزدى.
قازىرگى كۇنى ورتالىقتا 12 مەملەكەتتىك جانە كۆازيمەملەكەتتىك سەكتور جۇمىس ىستەيدى. «كاسىپكەر انا» ءبولىمى بار. وندا كاسىبي ماماندار ءوز بيزنەسىن باستاعىسى كەلگەن كوپبالالى جانە كەدەي وتباسىلارعا كومەك كورسەتەدى. سونداي-اق سۇراۋ سالا كەلگەن ادامدارعا ءبىلىم بەرۋ, دەنساۋلىق ساقتاۋ, تۇرعىن ءۇي الۋ, تاعى دا باسقا ماسەلەلەر بويىنشا اقىل-كەڭەس بەرىلەدى.
مەرەكەلىك شارا بارىسىندا الەۋمەتتىك سالانىڭ ءبىر توپ وزاتتارى قر ەڭبەك جانە حالىقتى الەۋمەتتىك قورعاۋ مينيسترلىگىنىڭ, ەلوردا اكىمدىگىنىڭ ماقتاۋ قاعازدارىنا يە بولدى. سونداي-اق سالا ماماندارىنىڭ وزدەرىنىڭ ۇيىمداستىرۋىمەن شاعىن كونتسەرت ءوتتى.
