قالا بيۋدجەتىنەن الەۋمەتتىك سالاعا بولىنەتىن قارجى جىل سايىن ارتىپ كەلە جاتىر. ماسەلەن, بيىلعى بيۋدجەتتىڭ 38,6 پايىزى قوعامداعى ماڭىزدى ماسەلەلەردى شەشۋگە باعىتتالدى. حالىقتىڭ دەنساۋلىعى, ءبىلىم الۋى قاي زاماندا دا اسا وزەكتى ماسەلەلەردىڭ قاتارىنا جاتادى. بۇل سالاداعى جەتىستىكتەر از ەمەس, جەتىلدىرەتىن تۇستار دا بارشىلىق.
ەنساۋلىق ساقتاۋ جۇيەسىندەگى كەيىنگى جىلدارداعى وڭ وزگەرىستەردى قالا تۇرعىندارى جاقسى سەزىندى دەپ ويلايمىن. قالالىق ءماسليحات دەپۋتاتتارى بۇل جۇيەنىڭ بارلىق قۇرىلىمدارىمەن تىعىز قارىم-قاتىناس ورناتىپ, كەشەندى جۇمىس جۇرگىزدى. ول ءوز كەزەگىندە العاشقى مەديتسينالىق-سانيتارلىق كومەك كورسەتۋدىڭ ساپاسىن ارتتىرۋعا جانە ونىڭ دەر كەزىندە كورسەتىلۋىنە مۇمكىندىك بەردى. دەپۋتاتتىق كورپۋس ۇسىنعان «Smart مەديتسينا» مەحانيزمدەرىن جان-جاقتى قولدانعاندا, جۇمىس بۇدان دا ناتيجەلى بولادى.
حالىقتىڭ ەڭ وسال توپتارىن قورعاۋ جۇمىسى تۇراقتى تۇردە, ءارى جاقسى جۇرگىزىلۋدە. ەڭ باستىسى, از قامتىلعان, پاتروناتتىق وتباسىلاردان شىققان بالالارعا, زەينەتكەرلەرگە جانە وسىلارعا تەڭەلگەن باسقا دارەجەدەگى ساناتتارعا الەۋمەتتىك كومەك كورسەتۋ توقتاعان جوق. تۇسكەن شاعىمدارعا ۋاقىتىلى جاۋاپ بەرىلىپ, ماسەلەلەر شەشىمىن تابۋدا. جۇمىسپەن قامتۋ, ەڭبەك جانە الەۋمەتتىك قورعاۋ باسقارماسىمەن جۇمىس-
قىزمەتىمىز دە وتە ماڭىزدى. ويتكەنى پروبلەما تۋىنداعان جاعدايدا تۇرعىندار ءوز دەپۋتاتتارىنا جۇگىنەدى. دەپۋتاتتارمەن ناتيجەلى جۇمىسى ءۇشىن اتالمىش باسقارماعا ەرەكشە العىس ايتامىن.
ءماسليحات دەپۋتاتتارى ءوتكىزگەن بىرنەشە ماڭىزدى رەيدتەن كەيىن مۇمكىندىگى شەكتەۋلى ادامدار ءۇشىن قولايلى جاعدايلار جاساۋ جۇمىستارى جۇزەگە اسىرىلۋدا.
ءبىلىم بەرۋ ماسەلەلەرى دەپۋتاتتاردىڭ ەرەكشە نازارىندا تۇر. قالا اكىمىنىڭ باسشىلىعىمەن وسى سالادا شەشۋشى رەفورمالار جاسالدى. مەملەكەتتىك جەكەمەنشىك ءارىپتەستىك شەڭبەرىندە جانە جەكە ينۆەستورلار ەسەبىنەن سالىنعان ءبىلىم بەرۋ نىساندارى قالا مەكتەپتەرىندەگى ورىن جەتىسپەۋشىلىگى ماسەلەسىن شەشۋگە سەپتىگىن تيگىزەتىنىنە سەنىمدىمىز.
مەكتەپتەگى الىم-تولەمگە قاتىستى وتكىر ماسەلە دە ءوز شەشىمىن تاپقان سەكىلدى.
سونىمەن قاتار, مەكتەپكە دەيىنگى مەملەكەتتىك ۇيىمداردا ورىنداردى ءبولۋ مەحانيزمى ايقىندالدى. بۇگىنگى كۇنى ءبىلىم بەرۋ باسقارماسى ادام فاكتورىنىڭ اسەرىن بولدىرماۋعا مۇمكىندىك بەرەتىن پروتسەستەردى تولىق اۆتوماتتاندىرىلدى. جۋىردا جاستار ساياساتى ماسەلەلەرى جونىندەگى باسقارما باسشىسىنىڭ ەسەبىن تىڭدادىق. قالاداعى جاستارمەن جۇمىس ەداۋىر جاقساردى دەۋگە بولادى.
ەندى كۇرمەۋلى ماسەلەلەرگە اۋىسساق, قالامىزداعى مەكتەپتەردىڭ 40 پايىزى ەسكىر-
گەن. جىل سايىن كۇردەلى ءجوندەۋگە قاتىستى 10 شاقتى وقۋ ورنىنان ءوتىنىم تۇسەدى. ءبىراق وعان قاراماستان اعىمداعى جىلى بيۋدجەتتەن 1 عانا مەكتەپتى جوندەۋگە ءوتىنىم ماقۇلداندى. بۇل ماسەلەنى ەرەكشە نازارعا الۋ كەرەك دەپ سانايمىز. سەبەبى بالالارىمىزدىڭ قاجەتتىلىكتەرىن, ولاردىڭ دەنساۋلىعى جانە ءبىلىم الۋىن ءبىرىنشى كەزەككە قويۋىمىز قاجەت.
دەپۋتاتتارعا «SCHOOLBUS», ياعني مەكتەپ اۆتوبۋستارىن ءبولۋ ماسەلەسى تۇسىنىكسىز. ولاردى قالانىڭ شەتكى ايماقتارىندا ورنالاسقان مەكتەپتەرگە ءبولۋ ۇسىنىسى بىرنەشە رەت ايتىلدى. ال اۆتوبۋستاردىڭ ءبىرىن بالالار ۇيىنە بەرۋ ادىلەتتى بولار ەدى دەپ سانايمىز. جىلى ايالدامالاردى دا قالانىڭ شەتكى ايماقتارىنا قويۋ تۋرالى ءوز باسىم بىرنەشە رەت وتىنگەن ەدىم.
قالامىزدا بالاباقشالار جەتىسپەيدى. ءبىلىم باسقارماسى جەكەمەنشىك مەكتەپكە دەيىنگى مەكەمەلەردىڭ ەسەبىنەن ولاردىڭ سانىن ارتتىرۋ ءۇشىن قاراجات ءبولۋ تۋرالى ءوتىنىش ءتۇسىردى. بۇل ءوتىنىش ماقۇلداندى. قارجىلاندىرۋ جىلدىڭ باسىنان باستاپ جوسپارلى تۇردە تەڭ بولىكتەرمەن بولىنگەنى دۇرىس بولار ەدى دەپ سانايمىز. سوندا مەملەكەتتىك سۋبسيديانى الۋعا نيەتتى جەكەمەنشىك بالاباقشالار قىزمەتىنىڭ ساپاسىنا ءبىلىم باسقارماسى تياناقتى باقىلاۋ جۇرگىزەر ەدى. قازىرگى جاعدايدا قارجى ءبولۋ, ونى باقىلاۋ جانە يگەرۋ ماسەلەلەرى الاڭداۋشىلىق تۋعىزادى.
دەپۋتاتتاردىڭ قاتىسۋىمەن وتكەن قوعامدىق تىڭداۋلار كورسەتكەندەي, وتباسى ينستيتۋتىن, وتباسىلىق قۇندىلىقتاردى بەكىتۋ, بالا تۋاتىن جاستاعى ايەلدەردىڭ دەنساۋلىعىن نىعايتۋ, سونىمەن قاتار گەندەرلىك تەڭدىك ماسەلەسى قاجەتتى دەڭگەيدە جۇرگىزىلمەيدى. گەندەر جانە وتباسى-دەموگرافيالىق ماسەلەلەر وتە كۇردەلى. ونى جۇيەگە سالۋ ءۇشىن جەكە اتقارۋشى ءبولىم قاجەت. بۇل ماسەلەنى شەشۋدىڭ بىردەن-ءبىر امالى رەتىندە وڭتۇستىك قازاقستان وبلىسىنىڭ تاجىريبەسىن قاراستىرۋ كەرەك. بۇل وڭىردە گەندەرلىك ساياساتتى جۇرگىزەتىن جەكە باسقارما جۇمىس ىستەپ وتىر.
جاستار اراسىندا ۇلتتىق قۇندىلىقتاردى, ياعني ۇلتتىق
مادەنيەتتى, سالت-ءداستۇردى ناسيحاتتاۋ قاجەت. وسى جۇمىستىڭ بارلىعىن مەكتەپكە دەيىنگى مەكەمەلەردەن باستاعان ءجون. ۇلتتىق سيپاتتاعى مەكتەپ فورمالارىن تىگۋ كەرەك. قىز-كەلىنشەكتەرىمىز دە قامزولدى تەك ناۋرىز مەرەكەسىندە عانا ەمەس, كۇندەلىكتى ومىردە كيىپ جۇرسە, قانداي عانيبەت.
اتا-انانىڭ قامقورلىعىنسىز قالعان بالالاردىڭ ماسەلەسى قوعامدىق-ساياسي تۇرعىدان عانا ەمەس, ادامگەرشىلىك, ەموتسيالىق جانە رۋحاني تۇرعىدان دا وزەكتى. جاقىندا قالالىق ءماسليحاتتىڭ الەۋمەتتىك-مادەني دامۋ جونىندەگى تۇراقتى كوميسسيا سونداي بالالار تۇراتىن مەكەمەلەر جۇمىسىمەن تانىستى. ماتەريالدىق تۇرعىدان بۇل بالالار قامتاماسىز ەتىلگەن, الايدا, وتباسىلىق جىلۋ مەن ادامگەرشىلىك قولداۋ جەتىسپەيتىنى انىق. قالاداعى بالالار ۇيىندەگى جەتكىنشەكتەر سانى ازايدى. جەتىم بالالاردى اسىراپ الۋ ارتىپ كەلەدى, بولاشاقتا سول بالالاردىڭ بارلىعى دەرلىك وتباسىن تاپسا, جۇمىسىمىزدىڭ ناعىز جەمىسى سول بولادى.
بيىل ەلوردادا دۇبىرلەپ وتكەن «ەكسپو-2017» حالىقارالىق مامانداندىرىلعان كورمەسى تابىستى اياقتالدى. بۇل ايتۋلى ءىس-شارا ءاربىر استانالىق پەن قالا قوناعىنىڭ جادىندا ماڭگى ساقتالارى ءسوزسىز. ۇلت رەتىندە جانە باسەكەگە
قابىلەتتى مەملەكەت رەتىندە الەۋمەتتىك-مادەني وركەندەۋ مەجەسى ايقىن. وعان ەلباسىنىڭ «رۋحاني جاڭعىرۋ» باعدارلامالىق ماقالاسى جەتەلەپ وتىر. سۇيىكتى استانامىزدىڭ ءوسىپ-وركەندەۋىنە اتسالىسا بەرەيىك.
قاراقات ابدەن,
استانا قالالىق
ءماسليحاتىنىڭ دەپۋتاتى
