ەلوردانىڭ ە. راحماديەۆ اتىنداعى مەملەكەتتىك اكادەميالىق فيلارمونياسىنىڭ «سارىارقا» فولكلورلىق ءانسامبلى «استانا» كونتسەرت زالىندا الاش كوسەمى ءاليحان بوكەيحاننىڭ 155 جىلدىعىنا ارنالعان «الاشتىڭ ءاليحانى» اتتى كونتسەرت وتكىزدى. فولكلورلىق ءانسامبلدىڭ كوركەمدىك جەتەكشىسى, مادەنيەت سالاسىنىڭ ۇزدىگى – توعجان جاحين.
ۇلت الدىنداعى جاۋاپكەرشىلىكتىڭ اۋىر جۇگىن قارا نارداي كوتەرە بىلگەن كورنەكتى قوعام جانە مەملەكەت قايراتكەرى, الاش كوسەمى ءاليحان بوكەيحاننىڭ رۋحىنا ارنالعان كەشتە مادەنيەت قايراتكەرى سەكەن سىزدىق, مادەنيەت سالاسىنىڭ ۇزدىگى شىعىس ماحان, «دارىن» مەملەكەتتىك جاستار سىيلىعىڭ يەگەرى التىنبەك ءابىلدا, رەسپۋبليكالىق جانە حالىقارالىق بايقاۋلاردىڭ لاۋرەاتتارى ساۋلەجان تاعزيا, نۇرجان مەيىرحان, جاقسىگەلدى ماياساروۆ, الۋا قالىمبەكوۆا, وزگەرىس شەرىكباي, ايگەرىم كۇلشينا, «الەم» ەسترادالىق بي ءانسامبلى جانە «شالقىما» حالىق بي ءانسامبلى ونەر كورسەتتى. كونتسەرت بارىسىندا ىقىلاس دۇكەنۇلى, كەنەن ازىرباەۆ, ماعجان جۇماباەۆ, ەسكەندىر حاسانعاليەۆ, تۇرسىنعازى راحيموۆ, تاعى باسقا كومپوزيتورلاردىڭ شىعارمالارى ورىندالدى.
