عاليا سەرىكباەۆا, قالا تۇرعىنى:
– مەنىڭ ماماندىعىم – باستاۋىش سىنىپ مۇعالىمى. الايدا قازىر بالاباقشا تاربيەشىسى بولىپ جۇمىس ىستەپ ءجۇرمىن. بيىل مۇعالىمدەر ۇلتتىق بىلىكتىلىك تەستىن تاپسىردى. ەندى بالاباقشا تاربيەشىلەرى دە بۇل تەستتى تاپسىرادى دەپ ەستىدىم. بۇل جاعدايدىڭ جالاقىعا اسەرى بار ما؟
وقىرمان سۇراعىنا ءبىلىم جانە عىلىم ۆيتسە-ءمينيسترى ەلميرا سۋحانبەرديەۆانىڭ جاۋابىن ۇسىنامىز:
– بيىل ماۋسىم ايىندا 56910 مۇعالىم ۇلتتىق بىلىكتىلىك اتتەستاتتاۋىنان ءوتتى. تەستىلەۋدىڭ ءبىرىنشى جانە ەكىنشى كەزەڭدەرىنەن وتكەن مۇعالىمدەر 1 قىركۇيەكتەن باستاپ جاڭا جالاقى الىپ جاتىر. كەلەسى تەستىلەۋ 2018 جىلى قاراشادا وتەدى. تاربيەشىلەر ءۇشىن دە وسىنداي ۇلتتىق بىلىكتىلىك تەستىلەۋىن ەنگىزۋ جوسپارلانىپ وتىر. ۇلتتىق بىلىكتىلىك تەستىلەۋىنىڭ ناتيجەلەرى بويىنشا 30 پايىزدان 50 پايىزعا دەيىن قوسىمشا تولەماقى ەنگىزىلەدى. بۇل تەك تاربيەشىلەرگە عانا ەمەس, بالاباقشا مەڭگەرۋشىلەرى مەن ادىسكەرلەرىنىڭ دە جالاقىسىنا قاتىستى بولىپ وتىر.
